“Do të rrisim sërish normat e interesit” – Kreu i BQE, Lagarde: Pas muajit mars do të rivlerësohet politika monetare

Banka Qendrore Europiane do të rrisë me 50 pikë të tjera bazë normat e interesit në takimin e rradhës në muajin mars. Më pas do të vlerësohet hapi i rradhës për politikën monetare. Deklarata është bërë nga Chirstine Lagarde para parlamentit të Bashkimit Europian. Presidentja e Bankës Qendrore Europiane u shpreh se rreziqet për perspektivën e rritjes, aktualisht jaë më të ekuilibruara në krahasim me muajin dhjetor. Rritja e fundit e normave të interesit, gjithmonë me gjysëm pike, u bë në fillim të muajit shkurt.

Lagarde theksoi se po punohet që inflacioni të rikthehet në nivelin e synuar prej 2% dhe se do të merren të gjitha masat e duhura për të arritur objektivin.

Sipas të dhënave paraprake të Eurostat, në muajin janar inflacioni mesatar në zonën euro ka regjistruar një ndryshim duke ndaluar në 8.5%, por sipas Lagarde ka mundësi që niveli përfundimtar të jetë pak më i lartë, pasi të merren parasysh dhe të dhënat mbi Gjermaninë.

Frenimi i përgjithshëm ka të bëjë kryesisht me rënien e cmimeve të energjisë. Por në tërësi presionet mbi cmimet mbeten të forta, shtoi presidentja e BQE-së. Sipas saj inflacioni bazë mbetet i lartë. Por gjithësesi bilanci i rreziqeve, si për rritjen ekonomike njësoj dhe për inflacionin, janë më të ekuilibruar aktualisht. Kjo sidomos nëse flitet në terma afatshkurtër.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.