Doha rindërton Venezian për 50 mijë banorë – Për të banuar në qytezë duhen minimumi 3 mijë euro në muaj

Një rindërtim në shkallë të reduktuar të qytetit italian Venezia në Doha të Katarit. Nuk mungon pothuajse asgjë, kanalet, urat dhe një plazh i vogël që aktualisht frekuentohet nga turistët që ndodhen në vend për të ndjekur kampionatin botëror të futbollit. Pallatet e ndërtuara kanë emra si: Laguna, Murano, Gondola.

Është pikërisht lagja Qanat i Doha, në zonën më të re të Perlës, një nga më luksozet të kryeqytetit të Katarit: Venezia e vogël, sipas të dhënave zyrtare, ka 50 mijë banorë, njësoj sa ajo e vërteta. Ndërtimi i saj ka kushtuar 36 miliard euro.

Nuk mungojnë as vendqendrimet e vaporëve të cilët janë shumë më të vegjël, dhe dritaret të stileve të ndryshme që pasqyrojnë historinë e qytetit. Pra ka çdo gjë për  të mos ndjerë nostalgjinë e Venezias. Trafiku në rrugë është i konsiderueshëm njësoj si numri i agjentëve të policisë që ruajnë automjetet luksoze dhe pse kriminaliteti në Katar duket se nuk ekziston.

Çmimet në këtë qytezë janë të larta: për qeranë e një apartamenti prej 80 metrash katrorë duhet paguar 3 mijë euro në muaj, ndërsa për ta blerë çmimi është 10 mijë euro për metra katrorë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.