Dollari i jep fund tre sesioneve në rritje – Powell nuk jep detaje në lidhje me inflacionin dhe interesat

Dollari amerikan po qëndron në rënie në sesionin e sotëm, pas 3 ditësh me radhë në rritje, pasi presidenti i Rezervës Federale, Jerome Powell, nuk dha ndonjë detaj në lidhje me normat e interesit, pavarësisht tregut të fortë të punës.

Gjatë një sesioni me pyetje-përgjigje në Klubin Ekonomik në Uashington, Powell tha se normat e interesit mund të rriten më tej, nëse kushtet ekonomike do të jetë të favorshme.

Pas këtyre deklaratave dollari pati një tendencë në rënie përballë monedhave kryesore ndërkombëtare. Megjithatë, si euro ashtu edhe paundi britanik po qëndrojnë në nivelin më të ulët në 1 muaj, përballë monedhës së gjelbër.

Sipas analistëve, Powell nuk tha ndonjë detaj që nuk dihej dhe dështoi të japë indikacione në lidhje me ecurinë e inflacionit në të ardhmen. Në tregun e kriptomonedhave, bitcoin po tregtohet në rreth 23,200 dollarë, ndërsa ethereum po tregtohet në rreth 1680 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.