DPSHTRR thirrje për ndërrimin e pronësisë në rast shitje të automjetit – Mosparaqitja brenda afateve ligjore, ju ngarkon me gjobë

DPSHTRR nëpërmjet një njoftimi të publikuar në faqen zyrtare ka bërë thirrje për të gjithë qytetarët të cilët kanë shitur një̈ mjet rrugor dhe mjeti vijon të mbetet në emrin e tyre ndërsa përdoret nga blerësi.

Ky mjet mund t’ju ngarkojë me detyrime nëse blerësi nuk paguan taksat, nëse nuk paguan gjobat brenda apo jashtë̈ vendit, njofton DPSHTRR.

Për ta hequr mjetin nga pronësia individët duhet të paraqiten në Drejtorinë Rajonale ku kanë vendbanimin me këto dokumente me vete:

• Mjet identifikimi;
• Kontratën e shitjes së mjetit ose faturën e shitjes.

Keni blerë një mjet dhe nuk e keni kaluar në emrin tuaj brenda 30 ditëve nga momenti i blerjes?

• Mosparaqitja brenda afateve ligjore për këtë ndryshim, ju ngarkon me gjobë!
• Për shkelje të afatit mbi 30 ditë deri në 90 ditë kalendarike – 10,000 lekë;
• Për shkelje të afatit mbi 90 ditë kalendarike deri në 1 vit – 20,000 lekë;
• Për shkelje të afatit me më shumë se 1 vit – 40,000 lekë.

Gjithashtu, ky mjet mund t’ju bllokohet apo konfiskohet nëse shitësi ka detyrime ose debi ndaj të tretëve.

Shitësi ka të drejtë të deklarojë mes dokumenteve, aktin e shitjes, pranë̈ DRSHTRR, dhe ta çlirojë veten nga mjeti i shitur, njëanshmërisht ndërsa blerësi ka detyrimin të regjistrojë në emrin e vet (individ/subjekt) mjetin pranë̈ DRSHTRR!

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.