E drejta për t’u “harruar” nga Google – Kompania duhet të “zhdukë” të dhënat e pasakta

Njësia e alfabetit Google duhet të heqë sa më parë të dhënat nga rezultatet e kërkimit në internet nëse përdoruesit mund të vërtetojnë se janë të pasakta. Vendimi u mor nga gjykata e lartë europiane.

Mbështetësit e fjalës së lirë dhe ata të të drejtave të privatësisë janë përplasur vitet e fundit mbi “të drejtën e njerëzve për t’u harruar” në internet, që do të thotë se ata duhet të jenë në gjendje të heqin gjurmët e tyre dixhitale nga interneti.

Çështja në duart e Gjykatës së Drejtësisë së Bashkimit Europian, kishte të bënte me dy drejtues nga një grup kompanish investimi të cilët i kishin kërkuar Google që të hiqte rezultatet e kërkimit që lidhnin emrat e tyre me artikuj të caktuar të cilët kritikonin modelin e investimit të grupit.

Ata gjithashtu kërkonin që Google të hiqte dhe fotografitë e tyre nga rezultatet e kërkimit. Kompania refuzoi kërkesat duke thënë se nuk e dinte nëse informacioni në artikuj ishte i saktë apo jo. Më pas, një gjykatë gjermane kërkoi këshilla nga gjykata europiane e drejtësisë për ekuilibrin mes të drejtës për t’u harruar dhe të drejtës për lirinë e shprehjes së informacionit.

Për të shmangur një barrë të tepërt për përdoruesit, gjyqtarët thanë se një provë e tillë nuk duhet të vijë nga një vendim gjyqësor kundër botuesve të faqeve të internetit dhe se përdoruesit duhet të ofrojnë vetëm prova që mund t’u kërkohet në mënyrë të arsyeshme për t’i gjetur. Google tha se lidhjet dhe fotografitë në fjalë nuk ishin më të disponueshme përmes kërkimit në ueb dhe kërkimit të imazheve; dhe se përmbajtja kishte qenë jashtë linje për një kohë të gjatë.

E njëjta gjykatë në vitin 2014 sanksionoi të drejtën për t’u harruar, duke thënë se njerëzit mund t’u kërkojnë motorëve të kërkimit si Google të heqin informacionin e pamjaftueshëm ose të parëndësishëm nga rezultatet e uebit që shfaqen nën kërkimet për emrat e tyre.

Vendimi i parapriu rregullave historike të BE-së për privatësinë që hynë në fuqi në vitin 2018 dhe deklaron se e drejta për t’u harruar përjashtohet kur përpunimi i të dhënave personale është i nevojshëm për ushtrimin e së drejtës së informacionit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.