Edhe Zvicra energji me kursim – Sektori i inxhinierisë: Qeveria, mbështetje për të përballuar kostot e larta të energjisë

Sektori i inxhinierisë mekanike dhe elektrike të Zvicrës tha se bizneset dhe familjet duhet të fillojnë menjëherë kursimin e energjisë dhe bëri thirrje për më shumë mbështetje nga qeveria për të ndihmuar kompanitë të përballojnë kostot e larta të energjisë.

Javën e kaluar Zvicra vendosi një objektiv të kursimeve vullnetare të gazit prej 15% për dimër, pasi Europa po përballet me një mungesë të mundshme gazi si pasojë e luftës në Ukrainë. Qeveria pritet të shpallë plane të reja emergjente për adresimin e mungesave të mundshme të energjisë elektrike në të ardhmen për shkak të varësisë së Zvicrës nga importet e gazit këtë dimër.

SwissMEM, që përfaqëson kompanitë e inxhinierisë mekanike dhe elektrike, tha se objektivat e reduktimit të karbonit duhet të hiqen për kompanitë që kalojnë nga gazi në naftë dhe qeveria duhet të ofrojë stimuj për pronarët e termocentraleve rezervë dhe të thjeshtojë miratimet rregullatore për industritë që kalojnë prodhimin në natë ose të dielave. Shoqata propozoi që kursimi i energjisë të fillonte menjëherë dhe shtëpitë, zyrat, fabrikat e prodhimit, muzetë dhe qendrat tregtare të mos ngroheshin në më shumë se 19°C  këtë dimër.

Porositë e reja në sektorin mekanik dhe inxhinierik u rritën me 10.1% në gjysmën e parë të vitit 2022, shitjet u rritën me 12.1% dhe eksportet me 9% në bazë vjetore. Megjithatë, problemet e zinxhirit të furnizimit dhe rritja e çmimeve të energjisë dhe mallrave shtuan kostot e prodhimit, ashtu si euro po regjistron një zhvlerësim të shpejtë kundrejt frangës zvicerane.

Jo të gjithë anëtarët e shoqatës janë në gjendje të përdorin planifikim fleksibël për të përballuar ndërprerjet e energjisë që do të ndalonin prodhimin në kompanitë që kanë nevojë për temperatura të larta për produktet. Kompanitë industriale që mbështeten në furnizimin me energji të pandërprerë duhet të përjashtohen nga çdo racionimi i gazit dhe energjisë elektrike që qeveria ka thënë se mund të vendosë sipas një skenari më të keq.

Shoqata gjithashtu i bëri thirrje qeverisë të rishikojë strategjinë e saj afatgjatë të energjisë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.