Ekonomia botërore, në rritje – Kërkesa e konsumatorit, e lartë. Tregu i punës, më i qendrueshëm

Ekonomia botërore po shfaq një elasticitet të jashtëzakonshëm, duke paraqitur një performancë më të mirë nga sa pritej, pavarësisht sfidave të vazhdueshme, sipas Fondit Monetar Ndërkombëtar (FMN).

Kreu i FMN, Kristalina Georgieve, theksoi se kanë kryer një analizë të plotë të dy aspekteve kryesore të të dhënave. Së pari, kërkesa e konsumatorit mbetet e lartë dhe shpenzimet qeveritare gjithashtu kanë shfaqur qëndrueshmëri të konsiderueshme.

Së dyti, FMN ka ekzaminuar tendencat e rritjes në ekonomitë kryesore. Fondi ka vërejtur gjithashtu dy tendenca të rëndësishme. Së pari, normat e inflacionit, të cilat u rritën vitin e kaluar, tani janë në rënie në shumë ekonomi.

Së dyti, tregu i punës ka treguar stabilitet relativ, duke treguar se njerëzit janë të punësuar dhe kanë të ardhura të disponueshme, duke përforcuar më tej perspektivat e rritjes. Pavarësisht shenjave pozitive, Georgieva paralajmëroi se vendimmarrësit në mbarë botën ende përballen me sfida të rëndësishme, duke përmendur këtu autoritetet fiskale.

Nëse do të bënim një krahasim, rritja ekonomike botërore është ende e dobët, shumë më poshtë se sa ishte para COVID-19. Megjithatë, ekonomia po shkon mirë dhe është premtuese, pavarësisht vështirësive, apo edhe mjediseve sfiduese për vendimmarrësit.

Adelina Onuzi/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.