“Emigrantët “gjethe fiku” për amnistinë” – Preçi: Qeveria në nevojë urgjente për para’, të tërhiqet nga nisma

Qeveria po përdor emigrantët si “mbulesë” për të vijuar rrugën drejt miratimit të amnistisë fiskale dhe penale, e cila është kritikuar gjerësisht nga ndërkombëtarët dhe shoqatat e biznesit.

Në një intervistë për SCAN TV, eksperti i ekonomisë Zef Preçi, e shikon këmbënguljen e qeverisë drejt finalizimit të kësaj iniciative, si nevojë urgjente për para, pavarësisht origjinës së tyre.

Preçi thekson se qeveria duhet të tërhiqet nga kjo nismë, sipas të cili nuk i shërben pjesës më të madhe të popullsisë, por ka në thelb pastrimin e parave të korrupsionit.

Sipas kryeministrit Rama, qëllimi kryesor i amnistisë fiskale është formalizimi i të gjitha të ardhurave të shqiptarëve në diasporë. Referuar draftit,  çdo qytetar shqiptar, rezident në Shqipëri, por edhe emigrantët do të mund të përfitojnë nga amnistia fiskale deri në shumën 2 milionë euro.

Në draft sqarohet se subjektet e deklarimit nuk do të japin informacion mbi burimin e të ardhurave, nuk do të ndiqen penalisht dhe as nuk do të ketë një hetim tatimor.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.