Energjia e rinovueshme, më shumë kërkesa se prodhim – Kërkesat rriten ndjeshëm pas shtrenjtimit të energjisë

Lufta në Ukrainë dhe rritja e cmimeve të energjisë po shtyjnë gjithnjë e më shumë konsumatorë drejt energjisë së rinovueshme dhe zgjidhjeve alternative. Kompanitë të cilat prodhojnë energji të gjelbër, shpesh herë detyrohet të refuzojnë porosi të reja pasi nuk arrijnë të përmbushin kërkesat.

Drejtuesit e tyre tregojnë se kur nisi kriza energjetike, disa furnizues të vegjël falimentuan dhe klientët e tyre nisën të kërkonin alternativa me kosto të ulët. Kjo bëri që këto kompani brenda dy javësh të merrnin 4 mijë porosi të reja duke u detyruar të thonë ‘mjaft’ pasi nuk arrinin të përmbushnin një kërkesë të tillë për energji të rinovueshme.

Kompania I – ENER që prodhon energi të rinovueshme në vend konfirmon se ka pasur një tsunami kërkesash. Një shifër e pamundur për t’u menaxhuar, shtuar dhe faktin se është e pamundur të gjenden në treg një sëri përbërësish thelbësorë.

Ekspertët pranojnë se nëse strukturat do të ishin në gjendje të përmbushnin kërkesat për energji që marrin, kjo do të ishte një mundësi shumë e mirë dhe për tranzicionin energjitik. Objektivi është furnizimi i sa më shumë personave të jetë e mundur me energji të rinovueshme që prodhohet në vend, dhe jo përfitimet e mëdha financiare.

Një nga pengesat kryesore që frenon zhvillimin e një realiteti të tillë, është sidomos një treg energjie i projektuar përreth nevojave të aktorëve të mëdhenj industrialë. Kjo në një kohë që qytetarë dhe familje përfaqësojnë vetëm 25 – 30% të konsumit të përgjithshëm, energjia e mbetur iu shpërndahet konsumatorëve të mëdhenj me cmime të fiksuara.

Sipas të dhënave të fundit, aktualisht në Bashkimin Europian janë rreth 3400 komunitete dhe kompani energjetike. Pjesa më e madhe e tyre ndodhet në Holandë, Suedi dhe Gjermani. Për të favorizuar shpërndarjen, sipas rregullores europiane të paketës për energji të pastër, cdo vend duhet të vlerësojë pengesat që frenojnë prodhimin e saj. Por me luftën në Ukrainë dhe krizën energjitike, shumë qeveri vazhdojnë të shtyjnë këto projekte dhe të përqendrohen në prioritete të tjera.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.