Rreth 4 në 5 biznese të huaja në vend punësojnë më pak se 5 persona/ Italia “dominoi” tregun shqiptar me sipërmarrje të mëdha
Shqipëria, vitet e fundit, përveçse është e ekspozuar ndaj turizmit, ka përfituar edhe nga rritja e njohjes ndërkombëtare. Kjo njohje është shoqëruar me një interes të shtuar nga bizneset e huaja, të cilat e shohin Shqipërinë si një vend të përshtatshëm për të investuar dhe për të bashkëpunuar me sipërmarrësit vendas.
Gjatë vitit 2024, në Shqipëri operuan gjithsej 7,007 biznese të huaja, një pjesë e madhe e të cilave kanë krijuar bashkëpunime me sipërmarrës shqiptarë. Të dhënat e analizuara nga “Scan Intel", tregojnë se shumica dërrmuese e këtyre bizneseve janë të vogla për nga numri i të punësuarve. Saktësisht, 79.5% e bizneseve të huaja kanë të punësuar vetëm 1 deri në 4 persona, çka dëshmon se pjesa më e madhe e investimeve janë biznese të vogla që kërkojnë të vendosen dhe të rriten në tregun vendas. Nëse iu referohemi këtyre të dhënave rezulton se 4 në 5 biznese të huaja që hapen janë të vogla.
Ndërmarrjet që kanë 5 deri në 9 punonjës, të cilat përfaqësohen nga 485 biznese ose 6.9% e totalit. Këto janë sipërmarrje pak më të strukturuara, por që gjithsesi mbeten në kategorinë e bizneseve të vogla. Ndërmarrjet e mesme, që përfshijnë ato me 10 deri në 49 punonjës, renditen të dytat për sa I përket numrit, ato përbëjnë 8.7% të totalit të ndërmarrjeve të huaja që operojnë në vend. Në fund renditen ndërmarrjet e mëdha, të cilat kanë më shumë se 50 punonjës dhe përfaqësohen nga vetëm 333 biznese, ose 4.7% e totalit.
Veprimtaritë ekonomike më të zakonshme ku këto biznese janë të angazhuara janë ato që lidhen me prodhimin dhe ofrimin e shërbimeve. Sa i takon përkatësisë shtetërore, Italia është vendi që ka numrin më të madh të ndërmarrjeve të mëdha në Shqipëri, me gjithsej 167 të tilla. Në anën tjetër, Izraeli përfaqësohet nga numri më i vogël i bizneseve të mëdha, me vetëm 3 të tilla. Vendet që renditen pas Italisë për nga numri i ndërmarrjeve që operojnë në vend janë Greqia dhe Kosova, duke treguar një prani të konsiderueshme të investitorëve nga këto shtete.
Për më tepër, sipas të dhënave, në Shqipëri operojnë edhe 2,021 ndërmarrje të tjera të huaja nga vende të ndryshme të botës, nga të cilat 85 prej tyre kanë mbi 50 punonjës.
Live TV
Pavarësia e AMA, Krasniqi raporton në Kuvend: Gjykatat konfirmuan ligjshmërinë e vendimeve tona
Kryetarja e Autoritetit të Mediave Audiovizive, Armela Krasniqi raportoi sot në Komisionin Parlamentar për të Drejtat e Njeriut dhe Mjetet e Informimit......
Bankat në Kosovë ulin disa nga tarifat e shërbimeve, shkak rritja e konkurrencës dhe transparenca financiare
Bankat komerciale në Kosovë njoftojnë se kanë bërë ndryshime në çmimoret e tyre, duke ulur tarifat e disa shërbimeve të tyre që përdoren nga qytetarët dhe......
Shqiptarët kursejnë 84 milionë euro nga rivlerësimi, buxheti arkëton 40 milionë euro vetëm në dy muaj
Afro 84 milionë euro u janë kursyer qytetarëve shqiptarë nga reduktimi i tarifave tatimore të pasurive të paluajtshme falë rivlerësimit. Sipas të dhënave të......
Ibrahimaj: Mekanizmi i ri për shqyrtimin e investimeve të huaja forcon sigurinë ekonomike dhe besimin e investitorëve
Ministrja e Ekonomisë dhe Inovacionit, Delina Ibrahimaj, mori pjesë në aktivitetin “Albania’s Foreign Direct Investment Screening Framework”, organizuar nga......
