ERE ‘vulos” vendimin, shtrenjtohet energjia elektrike për familjet. Nga 1 tetori, kush konsumon mbi 800 kwh, paguan më shumë
Shtrenjtimi i energjisë elektrike për ata që konsumojnë më shumë se 800 kilovatë në muaj ka marrë edhe miratimin e Entit Rregullator të Energjisë. Në këtë mënyrë, duke nisur nga data 1 tetor, ato familje që shpenzojnë më shumë do të faturohen me 42 lekë për kilovat, pa TVSH.
Kjo rritje u argumentua me faktin se Koorporata Elektroenergjetike Shqiptare po e blen energjinë më shtrenjtë si rrjedhojë e shtrenjtimit në tregjet ndërkombëtare. Parashikimet janë që kjo lëvizje të këtë si efekt financiar një vlerë prej 1.8 miliardë lekësh.
Ky vendim konsiderohet i përkohshëm pasi do të ketë kohëzgjatje deri në 31 dhjetor të këtij viti. Kjo do të thotë se për faturimin e vitit të ardhshëm, do të duhet të realizohet edhe një mbledhje tjetër.
Sipas dokumentit të depozituar në ERE, në muajin tetor, numri i abonentëve që parashikohet të preken nga rritja e çmimeve të energjisë elektrike është 49 334, ndërkohë që në muajt nëntor dhe dhjetor ky numër familjesh rritet në 71 278.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.