Ether fiton terren ndaj Bitcoin – Kriptomonedha e dytë më e madhe, në garë për “kurorën”

Për vite me radhë, Ether nuk mund të ëndërronte të sfidonte “vëllain” më të madh bitcoin. Tani, ambicjet mund të bëhen më realiste.

Kriptomonedha e dytë më e madhe po fiton pjesë të tregut nga bitcoin përpara një përditësimi shumë të rëndësishëm të softuerit “Merge” që mund të reduktojë ndjeshëm përdorimin e energjisë të blockchain-it të saj Ethereum.

Dominimi i Bitcoin, ose pjesa e tij në vlerën e tregut të tregut të kriptove, ka rënë në 39.1% nga kulmi i këtij viti prej 47.5% në mes të muajit qershori, sipas platformës së të dhënave CoinMarketCap. Ether, nga ana tjetër, është ngjitur në 20.5% nga 16%.

Fillimi është ende shumë larg nga tejkalimi i bitcoin si kriptomonedha nr.1, një ndryshim i njohur për të apasionuarit si “rrokullisja”. Megjithatë, rruga po ndërtohet; në janar 2021, bitcoin kryesonte me 72%, ndërsa ether ishte në 10%.

Sa i përket çmimit, një ether tani vlen 0.082 bitcoin, afër niveleve më të larta të dhjetorit 2021 dhe dukshëm mbi nivelin më të ulët të vitit 2022 prej 0.049 në qershor.

Përditësimi i “Merge”, që pritet të ndodhë të enjten pas disa vonesave, mund të çojë në përdorim më të gjerë të blockchain, duke rritur potencialisht çmimin e ether – megjithëse asgjë nuk është e sigurt në një treg me befasi si ai i kriptove.

Ethereum formon shtyllën kurrizore të pjesës më të madhe të vizionit “Ueb3”, të një interneti ku kripto është qendër të vëmendjes, duke fuqizuar aplikacionet që përfshijnë degë të kriptove, si financat e decentralizuara dhe token-at jo të këmbyeshëm – megjithëse kjo ëndërr e shumëpërfolur mbetet ende e parealizuar.

Bitcoin dhe ether janë pothuajse përgjysmuar këtë vit për shkak të shqetësimeve rreth rritjes së normave të interesit nga bankat qendrore. Megjithatë, investitorëve duket se u pëlqen pamja e “Merge”, me ether-in mbi 65% që nga fundi i qershorit. Bitcoin ka lëvizur shumë pak në të njëjtën periudhë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.