Ethereum performon më mirë se bitcoin – Ngjitet pranë 2,300 dollarëve, analistët presin nivele më të larta

Bitcoin po tregtohet i qëndrueshëm në sesionin e sotëm, poshtë 44,000 dollarëve, ndërsa bie në sy rritja e ethereum me rreth 3% për shkak të një përditësimi, që do ta bëjë “blockchain”-in e Ethereum më të shkallëzuar.

Ethereum ka të ngjarë të shkëlqejë edhe gjatë vitit të ardhshëm, për shkak të përditësimit të quajtur EIP-4844. Kjo do të thotë se “blockchain” i Ethereum do ta ndajë rrjetit në copëza, për të përmirësuar shpejtësinë e transaksioneve. Analistët shprehen se, në botën e paqëndrueshme të kriptomonedhave, Ethereum (ETH) është aktualisht në një pikë kritike, pasi po teston “zonën e shpërthimit”, duke ngjallur entuziazëm midis tregtarëve dhe analistëve.

Gjithsesi, analistët parashikojnë një tërheqje të çmimit ë ethereum drejt 1,900 dollarëve, e cila mund të shërbejë si një zonë ideale për akumulim e forcës për të synuar një objektiv prej 3,500 dollarësh. Kriptomonedha ka treguar një elasticitet të jashtëzakonshëm gjatë muajit të fundit, me një rritje të dukshme prej 9.5%. Ky trend pozitiv ka tërhequr vëmendjen e investitorëve dhe analistëve të cilët po monitorojnë nga afër lëvizjet e Ethereum, në pritje të një shpërthimi të mundshëm.

Gjithashtu, është e rëndësishme të theksohet se tregu i kriptomonedhave ndikohet nga një mori faktorësh, duke përfshirë tendencat makroekonomike, zhvillimet rregullatore dhe përparimet teknologjike. Ndërsa Ethereum i afrohet këtij momenti kritik, pjesëmarrësit e tregut këshillohen të tregojnë kujdes dhe të qëndrojnë të informuar për katalizatorët e mundshëm që mund të ndikojnë në lëvizjet e çmimeve të asetit dixhital.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.