Euro, në nivelin më të lartë në 3 javë – Mbështetet nga politika agresive monetare e Bankës Qendrore Europiane

Euro është ngjitur në nivelin më të lartë në 3 javët e fundit përballë dollarit amerikan, në sesionin e parë të kësaj jave, pasi Banka Qendrore Europiane po favorizon një politikë monetare agresive, për të parandaluar rritjen e inflacionit.

Megjithatë, investitorët po presin të dhënat mbi inflacionin në SHBA që do të japin një panoramë më të qartë mbi hapat që do të ndjekë Rezerva Federale në takimin e 21 shtatorit.

Politikëbërësit e Bankës Qendrore Europiane vlerësojnë rreziqe të mëdha inflacioniste dhe për këtë arsye norma bazë e interesit do të duhet të rritet deri në 2%.

Indeksi i dollarit amerikan, që mat ecurinë e monedhës së gjelbër përballë 6 monedhave kryesore ndërkombëtare, por tregtohet në rreth 108.82, pranë nivelit më të ulët që nga 30 gushti.

Përsa i përket takimit të Rezervës Federale më 21 shtator, shumica e analistëve parashikojnë një rritje të normës bazë të interesit edhe me 75 pikë bazë. Në tregun e kriptomonedhave, bitcoin po tregtohet në rreth 21,800 dollarë, ndërsa ethereum po tregtohet në rreth 1730 dollarë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.