Euro shënon nivelin më të ulët prej 20 vitesh – Cilat janë arsyet e kësaj rënie përballë dollarit amerikan!
Euro shënon nivelin më të ulët që nga viti 2002 kundrejt dollarit amerikan. Një nga arsyet është inflacioni rekord që ka pëshkallëzuar presionin mbi familjet dhe kompanitë
Euro po njeh nivele të mëdha rënie përballë dollarit amerikan, në një raport që nuk ishte parë në 20 vite. E gjithë kjo vjen për shkak se invesitorët kanë vënë ‘bast’ për rritjen e normave të interesit të Bankës Qendrore Europiane, në kontekstin e një rreziku për recesion në Europë.
Monedha unike e Bashkimit Europian ra me 0.9%, në një nivel të dobët që nuk ishte parë që prej dhjetorit të vitit 2002.
Euro ka rënë me më shumë se 8% kundrejt dollarit amerikan këtë vit pasi inflacioni rekord ka përshkallëzuar presionin mbi familjet dhe kompanitë, dhe së bashku me pasojat e luftës në Ukrainë, ka penguar aftësinë e Bankës Qendrore Europiane për të rritur normat aq shpejt sa Rezervat Federale Amerikane.
Humbjet e kësaj jave u ndërlikuan më tej edhe nga likuiditeti i dobët dhe shitja në euro-franga zvicerane, në tre tregjet bazë të Europës.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.