Europianët reduktojnë ngrohjen, dëgjojnë thirrjet e qeverive për të kursyer energji!

Europianët kanë reduktuar ngrohjen e tyre këtë dimër, me sa duket duke iu bindur thirrjeve të qeverisë për të kursyer energjinë në mes të krizës në Ukrainë, me disa që kanë vonuar ndezjen e saj me gati një muaj dhe vendosjen e temperaturës më të ulët, tregojnë të dhënat.

Të dhënat, nga qindra mijëra termometra inteligjentë të instaluar në familje në të gjithë kontinentin nga kompania me bazë në Mynih Tado, tregojnë se ndërsa temperaturat uleshin, familjet iu përgjigjën paralajmërimeve të tmerrshme për kosto më të larta të ngrohjes.

Njerëzit dhe bizneset në të gjithë Europën po e shtojnë përdorimin e tyre të termometrave të tillë inteligjentë për të mbajtur një sy se sa gaz përdorin. Këto ndonjëherë lidhen me strukturën tarifore të një ofruesi të energjisë për të zbutur kërkesën dhe për të reduktuar kostot maksimale. Gjermania i ka bërë të detyrueshme në ndërtimet e reja.

Në dimrin e 2021-2022, përqindja e shtëpive me ngrohje të ndezur në të gjithë Europën kaloi 90% më 28 nëntor. Në tre vitet e mëparshme, ky prag u kalua javë më parë, përkatësisht më 7, 12 dhe 5 nëntor, sipas të dhënave nga Tado, e cila është një nga shumë kompanitë aktive në tregun e termometrave inteligjentë me rritje të shpejtë.

Autoritetet publike gjermane ulën temperaturat në zyrat e tyre në 19 gradë të ftohtë. Në universitetin në Frankfurt an der Oder në kufirin polak, stafit iu dhanë batanije për t’u mbështjellë. Të dhënat e Tado tregojnë se si edhe familjet shkurtojnë. Cilësimet e ngrohjes së shtëpisë ishin mesatarisht pothuajse një shkallë më të ulëta këtë dimër se në vitet e mëparshme, bazuar në të dhënat.

Pas një kohe të tensionuar, rregullatorët e energjisë janë më të qetë në lidhje me perspektivat e furnizimit me gaz të Europës. Bashkimi Europian importon 80% të gazit dhe gazit të tij përfaqëson 22% të konsumit të energjisë në Europë dhe plotëson 32% të nevojave të familjeve për energji, sipas BE-së.

Por ka pasur përpjekje të mëdha për të reduktuar varësinë nga gazi rus dhe për të rritur importet nga prodhuesit evropianë të gazit si Norvegjia dhe Holanda, ndërsa Gjermania ka ndërtuar me shpejtësi terminale LNG. Çmimet e gazit në Europë kanë rënë ndjeshëm nga një kulm në gusht, pasi një nxitim për të mbushur depozitat e shtyu tregun më lart.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.