Familjet në nevojë, më të diskriminuarat për energjinë – Gajda: U rritën rastet në 2022, i vetmi sektor që shteti nuk është interesuar

Më së shumti krizën ekonomike në vend e ndjejnë familjet me ndihmë ekonomike për shkak të ndërprerjes së energjisë elektrike.

Nga ankesat që janë dorëzuar pranë institucionit të Komisionerit për Mbrojtjen nga Diskriminimi në 2022, të vetmet që shteti nuk është interesuar për t’I ndihmuar janë familjet në nevojë.

Sipas Komisionerit Robert Gajda, ky ëhstë një diskriminim i drejtëpërdrejtë për këtë shtresë të shoqërisë.

Pavarësisht një vendimi të marrë nga institucioni Komisionerit që ende nuk gjen zbatim nga institucionet publike, diskriminimi u ka cënuar këto të drejta këtyre familjeve.

Sipas Komisionerit Gajda shoqëritë tregtare të cilat janë shoqëri publike të marrin masa paralajmëruese si fillim dhe nën fund të merret vendimi i ndërprerjes së energjisë elektrike.

Vetëm për 2022 pranë zyrës së Komisionerit për Mbrojtjen nga Diskriminimi janë regjistruar 139 çështje ku rreth 50% e tyre janë nga familjet në nevojë.

Marinela Lina / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.