FED rrëzon tregjet globale – Rritja e interesave mund ta çojë ekonominë drejt recesionit

Bursat europiane po qëndrojnë në rënie në sesionin e sotëm, pasi tregjet globale kanë reaguar ndaj rritjes së interesave në SHBA, por edhe sinjaleve se Rezerva Federale do të vijojë me hapin e shtrëngimit të politikave monetare. Indeksi pan-Europian Stoxx 600 ka rënë me rreth 0.9% të vlerës në fillim të tregtisë, ndërsa humbjet më të mëdha i realizon sektori i udhëtimeve, në rënie me 2.1%.

Analistët prisnin gjerësisht që Rezerva Federale të rriste normën bazë të interesit me 75 pikë bazë, por shpresonin që të kishte një ngadalësim në të ardhmen. Por, presidenti i FED, Jerome Poëell sinjalizoi rritje të tjera të normave të interesit në vijim. Edhe Banka e Anglisë pritet të bëjë të njëjtën gjë në takimin e sotëm, pasi inflacioni po qëndron në një rekord prej 10.1%. Si një reagim ndaj vendimeve të Rezervës Federale, edhe tregjet amerikane dhe ato aziatike u mbyllën në territor negativ.

Fokusi i tregjeve do të jetë edhe te fitimet tremujore të korporatave. Deri më tani, rreth 300 kompani të listuara në indeksin S&P 500 kanë raportuar rezultatet e tyre gjatë muajit të kaluar, dhe 72% e tyre kanë publikuar fitime mbi parashikimet e analistëve.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.