FED rrit me 25 pikë bazë normën e interesit – Powell: Duhen më shumë prova që vërtetojnë rënien e inflacionit

Rezerva Federale rriti normën e saj të interesit me një cerek pikë përqindjeje, megjithatë vazhdoi të premtojë rritje të vazhdueshme në kostot e huamarrjes si pjesë e betejës së saj ende të pazgjidhur kundër inflacionit. Në një deklaratë për media që konfirmonte një progres në uljen e ritimit të rritjes së cmimeve nga nivelet më të larta të 40 viteve të fundit, thuhej ndër të tjera se inflacioni në Shtetet e Bashkuara të Amerikës është lehtësuar disi por mbetet i lartë.

Lufta ende në zhvillim e Rusisë në Ukrainë, vlerësohet ende si një nxitës I pasigurisë së lartë globale sipas FED. Por politikbërësit hoqëm dorë nga deklaratat e mëparshme duke përmendur luftën dhe pandeminë e Covid-19 si kontribues të drejtpërdrejtë në rrithen e cmimeve dhe nuk përmendën krizën globale shëndetësore për herë të parë që nga marsi 2020.

Gjithsesi, FED shtoi se ekonomia amerikane po shënonte një rritje modeste dhe zgjerim të fuqishëm të vendeve të punës, me politikbërësit ende shumë të vëmendshëm ndaj rreziqeve të inflacionit. Komiteti i tregut të hapur federal – parashikoi që rritjet e vazhdueshme në intervalin e synuar do të jenë të përshtatshme për të arritur një qëndrim të politikës monetare që është mjaft kufizues për të kthyer inflacionin në 2% me kalimin e kohës.

Kryetari I FED Jerome Powell, theksoi se përparimi I fundit në betejën kundër inflacionit – megjithëse është i kënaqshëm – është ende i pamjaftueshëm për të sinjalizuar një fund të rritjes së normës. Ai shtoi se duhen më shumë prova që vërtetojnë rënien e inflacionit, për të qenë të sigurtë se objektivi po arrihet. Powell u shpreh i bindur se ka një rrugë prapa objektivit të inflacionit prej 2% të FED pa një rënie të konsiderueshme ekonomike dhe banka qendrore mund të jetë vetëm disa rritjesh të tjera norme larg nga niveli që mendon se është mjaft kufizues për të shënuar rënie të inflacionit.

Vendimi I FED e ngriti normën bazë të interesit nëjditor në një nivel mes 4.5% dhe 4.75%, një lëvizje e parashikuar nga investitorët dhe e mëbshtetur nga bankierët e FED përpara takimit të fundit. Por, në mbajtjen e premtimit për më shumë rritje të normave në të ardhmen, Fed u tërhoq kundër pritshmërive të investitorëve se ishte gati të shënonte fundin e ciklit aktual të shtrëngimit, për faktin se inflacioni ka qenë në rënie të vazhdueshme për gjashtë muaj.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.