Fed rrit normën bazë të interesit me 0,75% – Ekspertët, të shqetësuar. E konsiderojnë këtë strategji më të ashpër se parashikimet

Rezerva Federale rriti normën bazë të interesit me tre të katërtat e një pikë përqindjeje duke thënë se do të vazhdojnë të rriten dhe më shumë mbi nivelin aktual. Në përpjekje për të ulur inflacionin i cili aktualisht është në nivelet më të larta që nga fillimi i viteve ’80, Banka Qendrore në Shtetet e Bashkuara të Amerikës e coi normën e fondeve të saj federale në një nivel prej 3% deri në 3.25%, më i larti që nga viti 2008, pas rritjes së tretë rradhazi me 0.75 pikë përqindje.

Ekspertët kanë qenë të shqetësuar për linjën aktuale që po ndjek Rezerva Federale, duke e cilësuar më të ashpër se parashikimet. Të dhënat nga takimi i fundit tregojnë se Rezerva Federake pritet të rrisë normat me të paktën 1.25 pikë përqindjeje në dy mbledhjet e mbetura të këtij viti.

Objektivi kryesor është ulja e inflacionit në 2%. Rritjet e normave të interesit nisën në muajin mars dhe tregojnë qasjen më agresive të Rezervës Federale që kur filloi të përdorë normën e fondeve  njëditore si mjetin e saj kryesor politik në vitin 1990.

Krahasimi i vetëm mund të bëhet me vitin 1994, kur Rezerva Federale rriti normat e interesit për një total prej 2.25 pikë përqindjeje; por do të fillonte uljen e normave në korrik të vitit të ardhshëm.

Së bashku me rritjen masive të normës, zyrtarët e Rezervws Federale sinjalizuan synimin për të vazhduar rritjen derisa niveli i fondeve të arrijë një “normë terminale”, ose pikë përfundimtare, prej 4.6% në vitin 2023. Kjo nënkupton një rritje të normës tremujore vitin e ardhshëm .

“Pikëpamja” e pritshmërive të anëtarëve individualë nuk tregon për ulje të normave deri në vitin 2024. Jerome Powell, kreu i Rezervës Federale, dhe kolegët e tij kanë theksuar javët e fundit se nuk ka gjasa që uljet e normave të ndodhin vitin e ardhshëm.

Anëtarët e Komitetit Federal të Tregut të Hapur presin që rritja e normave të ketë pasoja. Norma e fondeve adreson normat që bankat i ngarkojnë njëra-tjetrës për huadhënien njëditore, por ajo rrjedh në shumë instrumente borxhi me normë të rregullueshme të konsumatorit, të tilla si kreditë e kapitalit për shtëpi, kartat e kreditit dhe vetë financimi.

Në përditësimet e tyre tremujore të vlerësimeve për normat dhe të dhënat ekonomike, zyrtarët ranë dakord rreth pritshmërive që shkalla e papunësisë të rritet në 4.4% deri në vitin e ardhshëm nga 3.7% që është aktualisht. Rritjet e kësaj shkalle shpesh shoqërohen me recesione.

Gjithashtu ata parashikojnë që rritja e PBB-së të ngadalësohet me 0.2% për vitin 2022, duke u rritur pak në vitet në vijim në një normë afatgjatë prej vetëm 1.8%. Parashikimi i rishikuar është një ulje e fortë në krahasim me vlerësimin prej 1.7% në qershor dhe vjen pas dy tremujorësh radhazi të rritjes negative, një përkufizim i pranuar i recesionit.

Powell pranoi se një recesion është i mundshëm, veçanërisht nëse Rezerva Federale do të vazhdojë të ndjekë këtë linjë agresive

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.