Firmat kineze të teknologjisë zgjedhin CHatGPT – Gjithnjë e më shumë kompani punojnë me këtë stil
Zhurma globale rreth chatbot-it të Microsoft ChatGPT është përhapur dhe në Kinë, duke rritur stoqet në firmat e lidhura me inteligjencën artificiale dhe duke nxitur një mori kompanish vendase të shpallin projekte rivale.
Ashtu si Microsoft dhe Google, gjigantët kinezë të teknologjisë si Baidu dhe Alibaba, si dhe start-up-s më të vegjël kanë punuar në projekte të Inteligjencës Artificiale për vite me radhë.
Chatbot-et në Kinë përqendrohen kryesisht në ndërveprimet sociale ndërsa ChatGPT, i cili mëson nga sasi të mëdha të dhënash se si t’u përgjigjet kërkesave të përdoruesve në një mënyrë njerëzore, performon më mirë në detyra më profesionale, si programimi dhe shkrimi i esesë.
Lista e kompanive kineze të teknologjisë që e përdorin është cdo ditë më e gjatë. BAIDU më 7 shkurt deklaroi se do të përfundonte testimin e brendshëm të një projekti të stilit ChatGPT të quajtur “Ernie Bot”.
Alibaba Group, një ditë më pas tha se po zhvillon një mjet të stilit ChatGPT aktualisht në testim të brendshëm. Gjigandi i tregtisë elektronike tha se modelet e mëdha të gjuhëve dhe Inteligjencës Artificiale gjeneruese kanë qenë zona të fokusit që kur formoi institutin e tij kërkimor Damo Academy në 2017 – ën.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.