FMN, me plan veprimi për crypto – Rekomandime kundër statusit të tenderit ligjor

Monetar Ndërkombëtar ka prezantuar një plan veprimi me nëntë pika për mënyrën sesi vendet duhet t’i trajtojnë asetet e kriptove, me pikën numër një: apelin për të mos dhënë statusin e tenderit ligjor për kriptomonedha si bitcoin.

Huadhënësi global tha se Bordi i tij Ekzekutiv kishte diskutuar mbi një dokument, “Elementet e politikave efektive për aktivet kripto”, që ofronte “udhëzime për vendet anëtare të FMN-së mbi elementët kryesorë të një përgjigjeje të përshtatshme të politikës ndaj aseteve kripto”.

Përpjekje të tilla janë bërë prioritet për autoritetet, tha fondi, pas rënies së një numri shkëmbimesh dhe aseteve të kriptove gjatë dy viteve të fundit, duke shtuar se mos veprimi për momentin, e bënte situatën të paqëndrueshme.

Rekomandimi kryesor ishte mbrojtja e sovranitetit dhe stabiliteti monetar duke forcuar kornizat e politikës monetare dhe duke mos i dhënë aseteve të kriptomonedhave statusin e monedhës zyrtare ose të kursit zyrtar.

FMN-ja ‘dënoi’ El Salvadorin në fund të vitit 2021, kur vendi i Amerikës Qendrore u bë i pari që miratoi bitcoin si monedhë zyrtare, një veprim që është kopjuar që atëherë dhe nga Republika e Afrikës Qendrore.

Këshilla të tjera përfshinin mbrojtjen kundër flukseve të tepërta të kapitalit, miratimin e rregullave dhe ligjeve të paqarta tatimore rreth aseteve të kriptove, si dhe zhvillimin dhe zbatimin e kërkesave të mbikëqyrjes për të gjithë aktorët e tregut të kriptove.

Vendet duhet gjithashtu të krijojnë marrëveshje ndërkombëtare për të përmirësuar mbikëqyrjen dhe zbatimin e rregulloreve, shtoi FMN, si dhe të vendosin mënyra për të monitoruar ndikimin e kriptove në stabilitetin e sistemit monetar global.

Duke përshkruar vlerësimin e Bordit Ekzekutiv, FMN tha se drejtorët i mirëpritën propozimet dhe ranë dakord se miratimi i gjerë i aktiveve kripto “mund të dëmtojë efektivitetin e politikës monetare, të anashkalojë masat e menaxhimit të fluksit të kapitalit dhe të përkeqësojë rreziqet fiskale”.

Ata në përgjithësi ranë dakord gjithashtu që aseteve kripto nuk duhet t’u jepet statusi i monedhës zyrtare ose i kursit zyrtar, dhe megjithëse ndalimet e rrepta të aseteve nuk janë opsioni i parë më i mirë, disa drejtorë menduan se ato nuk duhet të përjashtohen.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.