FMN, paketat e shpëtimit arrijnë rekord – Ndërsa perspektiva ekonomike globale po përkeqësohet

Huadhënia e Fondit Monetar Ndërkombëtar për vendet me probleme financiare ka arritur një rekord pasi ky institucion po përballet me kriza të një pas njëshme që kanë shtyrë të paktën pesë vende në mospagim, ndërsa më shumë pritet të pasojnë.

Pandemia, sulmi i Rusisë ndaj Ukrainës dhe një rritje e mprehtë e normave globale të interesit kanë detyruar dhjetëra vende të kërkojnë ndihmën e FMN-së. Një analizë e të dhënave tregon se vëllimi i kredive të lëvruara nga fondi në deri në fund të gushtit arriti në 140 miliardë dollarë për 44 programe të veçanta.

Shifra, e cila pritet të rritet më tej në muajt e ardhshëm me rritjen e kostove të huamarrjes, është tashmë më e lartë se shuma e kredisë së papaguar në fund të viteve 2020 dhe 2021, kur u arritën nivelet rekord vjetore.

Ekspertët parashikojnë se rritjet e mëtejshme të normave të interesit nga bankat kryesore qendrore do të rrisin kostot e huamarrjes në mbarë botën dhe do të rrezikojnë të shkaktojnë një recesion të rëndë.

Detyrimet totale të FMN-së, përfshirë huatë e miratuara, por të pa disbursuara ende, janë tashmë më shumë se 268 miliardë dollarë. 55 nga vendet më të varfra të botës përballen me 436 miliardë dollarë shlyerje borxhi ndërmjet viteve 2022 dhe 2028, kur rreth 61 miliardë dollarë maturohen këtë vit dhe në 2023 dhe gati 70 miliardë dollarë. në vitin 2024.

FMN është në bisedime me disa vende për paketa mbështetëse që do të rrisin më tej angazhimet e saj totale. Zambia, Sri Lanka, Libani, Rusia dhe Surinami, po negociojnë paketat e shpëtimit të FMN-së si pjesë e përpjekjeve për të ristrukturuar borxhin e tyre. Gana, Egjipti dhe Tunizia janë në bisedime të hershme për mbështetje të ngjashme. FMN miratoi një paketë shpëtimi prej 1.1 miliardë USD për Pakistanin në fund të gushtit, Argjentina do të marrë 3.9 miliardë dollarë gjatë javëve të ardhshme si pjesë e programit prej 41 miliardë dollarësh.

Sipas rregullave të FMN-së, vendet anëtare normalisht mund të marrin ndihmë vetëm deri në 145% të kuotës së tyre të FMN-së, ose aksioneve, afërsisht në përputhje me pjesën e secilit vend në ekonominë globale. Kjo do të linte 370 miliardë dollarë në dispozicion për vendet me të ardhura të ulëta dhe të mesme nga përafërsisht 940 miliardë dollarë që është kapaciteti total i kreditimit të FMN-së. Por, ky kufi shpesh tejkalohet.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.