Fond i përbashkët për ngrohjen e shkollave? – Bashkitë nuk u japin zgjidhje. DPAP: Problem kaldajat e vjetra dhe mungesa e sobave 

Nga viti në vit ngrohja në shkolla mbetet një problem i pazgjidhur ku nxënësit detyrohen që të zhvillojnë mësimin në temperatura të ulëta në kushte jo të përshtatshme. 28 kopshte shkolla por dhe gjimnaze në rang vendi hasin këtë problematikë. Përgjegjësinë për këtë çështje e kanë bashkitë të cilat me fondet e veta duhet tu sigurojnë kushtet nxënësve.

Për vitin 2022 dhe 2023 vetëm 10 bashki janë treguar transparente në blerjen e druve të zjarrit apo karburantit të nevojshëm për ngrohje në shkolla. Për bashkinë Gramsh për vitin 2023 janë kryer 9.6 milionë blerje lëndë drusore, konkretisht 1540 metër ster druzjarri dhe 6 ton pellet. Bashkia Lushnje në vlerën e 1.3 milionëve ja blerë 8276 litra karburant. Hasi për 22 shkolla e kopshte e cerdhe ka blerë 910 metër kub dru zjarri, Kruja në vlerën e 1.8 milionëve ja blerë për 5 njësi administrative dru zjarri dhe pellet. Ndërkohë dhe Tropoja Kukësi e Elbasani kanë zbardhur tendera për drutë e zjarrit dhe karburantin për kaldajat.

Të ndodhur për të disatin vit radhazi në këto kushte ku bashkitë nuk zgjidhin problemet e ngrohjes në shkolla, a duhet të ngrihet një fond i dedikuar për ngrohjen nga buxheti i Ministrisë Arsimit?

Sipas Çiflikut problemi qëndron edhe tek sistemet e ngrohjes qendore pasi janë të vjetra dhe jo të përshtatura me teknologjinë bashkëkohore ku bashkitë duhet të investojnë më së shumti. DPAP thotë se bashkitë me probleme janë Elbasani, Lushnja, Shijak dhe Korçë, Devolli, Gjirokastra. Një vit më parë kjo problematikë shtrihej në 39 shkolla në rang vendi.

Marinela Lina/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.