Gautam Adani, i treti më i pasur në botë – Me një pasuri 137.4 miliardë dollarë renditet pas Elon Musk dhe Jeff Bezos!

Pak njerëz jashtë Indisë kishin dëgjuar për Gautam Adanin vetëm disa vite më parë. Tani, biznesmeni indian, është bërë personi i tretë më i pasur në botë. Është hera e parë që një aziatik hyn në tre vendet e para të Indeksit të Miliarderëve të Bloomberg. Me një pasuri prej 137.4 miliardë dollarësh, Adani ka kaluar francezin Bernard Arnault dhe qëndron në renditje pas Elon Musk dhe Jeff Bezos nga SHBA.

60-vjeçari Adani, vitet e fundit ka zgjeruar konglomeratin e tij të qymyrit në porte, duke e zgjeruar biznesin e tij nga qendrat e të dhënave deri te çimento, media dhe alumini. Grupi tani zotëron operatorin më të madh të portit dhe aeroportit të sektorit privat të Indisë, shpërndarësin e gazit dhe minierën e qymyrit. Ndërsa, miniera e tij në Australi u kritikuar nga ambientalistët, Adani u zotua në nëntor të investojë 70 miliardë dollarë në energjinë e gjelbër për t’u bërë prodhuesi më i madh në botë i energjisë së rinovueshme.

Adani ka shtuar 60.9 miliardë dollarë në pasurinë e tij vetëm në vitin 2022, pesë herë më shumë se kushdo tjetër. Ai së pari kaloi Ambani si aziatiku më i pasur në shkurt dhe kaloi Bill Gates të Microsoft si personi i katërt më i pasur në botë muajin e kaluar.

Adani arriti të kalonte në renditje disa prej miliarderëve amerikanë pjesërisht sepse ata së fundmi kanë rritur filantropinë e tyre. Gates tha në korrik se po transferonte 20 miliardë dollarë për fondacionin Bill & Melinda Gates, ndërsa Ëarren Buffett tashmë ka dhuruar më shumë se 35 miliardë dollarë për bamirësinë.

Miliarda dollarët e shpenzuara për filantropi i kanë ulur ata më poshtë në renditjen e Bloomberg. Gates tani është i pesti dhe Buffett i gjashti. Edhe Adani ka rritur kpontributet për bamirësi. Ai u zotua në qershor të dhurojë 7.7 miliardë dollarë për çështje sociale duke festuar ditëlindjen e tij të 60-të.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.