Gjobiten 8 biznese për tregtim të ushqimeve të pasigurta – AKU: Përdornin vaj palme, niseshte dhe konservantë në produkte

8 subjekte të cilat përdornin vaj palme, niseshte e konservant në ushqime janë gjobitur nga Autoriteti Kombëtar i Ushqimit.  Gjatë kontrolleve nga trupat inspektuese është konstatuar se në këto subjekte tregtoheshin ushqime të pasigurta, mungesë të sistemit të gjurmueshmërisë, mungesë etiketimi dhe mosrealizim detyrash të lëna.

Për shkeljet e konstatuara trupat inspektuese të AKU-së vendosën 11 masa admnistrative me gjobë në vlerën e 1.7 milionë lekëve, si dhe janë vendosur dy masa bllokimi në sasinë e 330 kg të produkteve ushqimore të pasigurta për konsum.

Gjatë muajit Shkurt Autoriteti Kombëtar i Ushqimit ka kryer gjithsej 21 inspektime dhe monitorime në rang vendi në subjekte me aktivitet import, shpërndarje me shumicë të produkteve ushqimore si dhe në subjekte me aktivitet “Prodhim, përpunim qumështi dhe nënprodukteve të tij.

Marinela Lina/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.