“Green Coast” finalizon 2 projekte në Himarë – Kreu i bashkisë vlerëson bashkëpunimin, Goro: Investime të përbashkëta edhe për zhvillimin turistik
Kompania Green Coast, pjesë e Grupit BALFIN ka finalizuar 2 projekte në Bashkinë Himarë, duke mundësuar që fëmijët e çerdhes dhe kopshtit të kenë kushte më komode, falë investimit në kondicionerë të rinj. Ndërkohë që, paralelisht të gjitha shkollat e kësaj bashkie janë pajisur me dërrasa të zeza, që ishin mungesë në këto institucione arsimore.
Kryetari i Bashkisë së Himarës, Jorgo Goro vlerëson kontributin e Green Coast, jo vetëm në ndihmë të komunitetit, por edhe strategjisë së bashkisë, ndërsa shton se investimet në çerdhe, kopshe e shkolla do të ishin të pamundura me kapacitetet financiare që ka bashkia.
Drejtori Ekzekutiv i Green Coast thotë se këto nuk janë investimet e vetme që janë bërë në institucionet arsimore të Himarës.
Aktualisht, janë përcaktuar edhe disa prej projekteve ku Green Coast do të investojë në vijim, teksa synimi është që ato të jenë gati përpara sezonit turistik të vitit që vjen.
Bashkia Himarë dhe Green Coast firmosën edhe një marrëveshje bashkëpunimi, duke konsoliduar iniciativat e përbashkëta që pritet të ndërmerren në vijim në ndihmë të komunitetit, por edhe zhvillimit ekonomik të zonës.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.