Greqi, bie indeksi i ndjesisë ekonomike në tetor – Pas përfundimit të sezonit veror, më pak të punësuar e të ardhura

Indeksi i ndjesisë ekonomike në Greqi ra në 98.3 pikë në muajin tetor, nga 104.9 që ishte në shtator, me përfundimin e sezonit turistik që nëkupton më pak të punësuar dhe më pak të ardhur. E gjithë kjo kombinuar dhe me inflacionin e lartë që ka shkaktuar pezimizëm si tek bizneset njësoj dhe tek familjet greke.

Shenjat nga indeksi i menaxherëve të blerjeve të prodhuara nuk janë aspak optimiste, pasi u shënua një rënie  ndjeshëm në tetor në 48.1 njësi nga 49.7 në shtator, si rezultat i rënies së prodhimit industrial dhe rënies drastike të porosive të reja nga tregjet e brendshme dhe të jashtme.

Fondacioni për këkime ekonomike dhe industriale tha se mjedisi europian – partneri kryesor tregtar i industrisë – mbetet i paqëndrueshëm dhe nuk i lejon as kompanitë me prirje eksporti të planifikojnë prodhimin e tyre me një shkallë më të lartë lirie. Në këtë mjedis të pasigurt, duhet të merret në konsideratë edhe rritja e kostove të huamarrjes, për shkak të rritjes së normave të interesit, e cila ka filluar të regjistrohet si shqetësim.

Pritshmëritë e industrisë shënuan një rënie të ndjeshme, në 95.9 pikë nga 98.2 në shtator, me një bilanc negativ për porositë e reja.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.