Greqia i propozon BE të reduktojë gazin për industrinë – Athina kërkon një zgjidhje të përbashkët për krizën energjetike
Së bashku me planin për mbështetje të familjeve dhe bizneseve përballë rritjes së cmimit të energjisë elektrike dhe gazit, si dhe për të siguruar rezervat e nevojshme, Greqia po punon dhe për një zgjidhje europiane për sa i përket krizës energjitike.
Në mënyrë të vecantë zyrtarë të qeverisë në Athinë, konfirmuan për mediat greke se kryeministri Mitsotakis i ka propozuar Brukselit krijimin e një mekanizmi pan-Europian për të reduktuar konsumin e gazit në sektorin e industrisë, kundrejt një dëmshpërblimi. Një gjë e tillë synon t’i mundësojë Europës që të menaxhojë situatën në rast se do të ketë një ndërprerje totale të gazit nga Rusia
Propozimi i kryeministrit grek vjen në një moment kur komisioni europian rekomandon një reduktim prej 15% të reduktimit të gazit në të gjitha vendet anëtare, duke testuar bashkëpunimin e vendeve dhe thellimin e krizës politike dhe socio ekonomike të shkaktuar nga periudha e gjatë e cmimeve të larta të energjisë.
Këshilli i Energjisë i BE-së pritet të vendosë për sa i përket reduktimit të konsumit të gazit por Spanja, Portugalia dhe Greqia së bashku me disa vende të tjera e kanë kundërshtuar duke e cilësuar jo të frytshme dhe të padrejtë.
Për Greqinë, propozimi i Komisionit Europian do të nënkuptonte një deficit prej 8.4 teravat gazi, në një kohë kur vendi jo vetëm nuk ka problem furnizimi, por mbështet edhe tregjet e Bullgarisë dhe Rumanisë, ku eksporton 20% të gazit që hyn në sistemin grek.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.