Hap automjetin tënd si një celular – Genesis SUV me njohje faciale dhe të gjurmës së gishtit

Prodhuesi korean i automjeteve Genesis do të nxjerrë në shitje vitin e ardhshëm një automjet që mund të hapet dhe mbyllet me anë të njohjes faciale, ndërsa butoni për t’u ndezur pranon vetëm gjurmën e gishtit të pronarit të tij.

Automjeti që kushton 54 mijë paund do të debutojë në treg në vitin 2023 dhe do të ketë funksione që zakonisht gjenden në telefona celularë, tablete dhe pajisje të tjera teknologjike – që do të thotë se nuk duhet një celës për të hapur dyert apo për ta ndezur.

Ekspertët e sigurisë u shprehën se kkjo teknologji do të ndihmonte në shmangien e vjedhjes së automjetit.

GV60 do të jetë modeli i parë SUV elektrik i Genesis, që është dega luksoze e prodhuesit të njohur të automjeteve, Hyundai. Por gjithashtu do të jetë dhe automjeti i parë që pronarët do të mund ta hapin duke përdorur vetëm fytyrën e tyre, ta ndezin me gjurnën e gishtit dhe të mos kenë nevojë të kenë celësa me vete. Pronarëve do u duhet të përdorin celësin vetëm një herë për të vendosur profilin e tyre dhe njohjen faciale si dhe të ndezin automjetin duke përdorur gjurmën e gishtit.

Por nëse do të ketë persona të cilët nuk ndihen mirë me teknologjinë ata mund të zgjedhin të përdorin celësin.

Gjithashtu pronarët mund të zgjedhin që familjarë dhe miq të tyre të mund të hypin në automjet pa pasur celës por nuk mund ta ndezin atë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.