Hapësira, më e populluar se asnjëherë – Rekordi i ri, 17 astronautë në të njëjtën kohë në orbitë

Një rekord i ri është regjistruar në hapësirë. 17 astronautë më orbitë në të njëjtin moment. Që kur ka filluar periudha hapësinore, kjo është hera e parë që shihen në mision, në të njëjtën kohë, kaq shumë njerëz. Në stacionin hapësinor kinez Tiangong, në 30 maj, mbërritën tre astronautë të rinj të cilët iu shtuan tre kolegëve që ndodheshin atje, ndërsa në të njëjtën kohë stacioni hapësinor ndërkombëtar numëronte 11 persona të pranishëm – dhe pse katër prej tyre po përgatiteshin të ktheheshin në tokë. Një grumbullim që zgjati pak në kohë, por shumë domethënës. Qasja në hapësirë do të bëhet gjithnjë e më pak elitare.

Sipas ekspertëve të fushës, kjo është shenjë e një ndryshimi që po ndodh. Për më tepër në orbitë ndodhet dhe një ekuipazh totalisht privat, pra nuk flitet më vetëm për teknikë. Më parë astronauti shihej si një eksplorues që bënte gjëra të rëndësishme për njerëzimin, ndërsa tani në hapësirë mund të shkojë dhe dikush i cili kërkon vetëm të përjetojë një eksperiencë të re.

Për këtë arsye hapësira do të bëhet gjithnjë e më shumë e populluar, njësoj si ndodhi dikur me fluturimet me avionë. Fillimisht këtë mund ta bënin vetëm më të pasurit dhe më pas u bë dicka shumë e zakonshme. Për këtë arsye rekordet për prani njerëzore në hapësirë do të vazhdojnë të shtohen.

Rekordi i mëparshëm, me 14 persoma më orbitë njëkohësisht, daton në muajin shtator të vitit 2021 me mbërritjen në orbitë të misionit Inspiration4 të SpaceX, i pari që përbëhej nga qytetarë të thjeshtë dhe jo nga astronautë profesionistë. Ndërsa në vitin 2009 ishin 13 atsronautë të cilët ndodheshin në bordin e Endeavour.

Rekordi i ri dhe pse zgjati vetëm disa orë, u realizua falë mbërritjes së tre astronautëve kinezë të misionit Shenzhou16 në bordin e “Pallatit bojëqielli”, ose ndryshe stacioni hapësinor kinez Tiangong. Në bord ndodheshin 11 persona: pesë amerikanë, tre rusë, dy nga Arabia Saudite dhe një nga Emiratet.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.