Heqja e sporteleve nga bankat – Propozimi i Tabakut: Të zgjidhet problematika e pensionistëve dhe të varfërve!
Në seancën e raportimit të Guvernatorit të Bankës së Shqipërisë në Komisionin parlamentar të Ekonomisë, Deputetja e Partisë Demokratike Jorida Tabaku ka tërhequr vëmendjen se heqja e sporteleve shtetërore dhe kalimi te shërbimet online do të vërë në vështirësi shtresat e varfra të popullsisë. Sipas saj, një numër i konsiderueshëm familjesh do të kenë shumë të vështirë të marrin shërbimet e domosdoshme.
Guvernatori i Bankës së Shqipërisë Gent Sejko raportoi se është shumëfishuar përdorimi i llogarive dhe i kartave bankare, ndërkohë që theksoi se duhet më shumë harmonizim me sistemin për procesin e dixhitalizimit.
Gjatë raportimit përpara Komisionit të Ekonomisë Sejko e përkufizoi sistemin bankar të shëndetshëm dhe të mirë kapitalizuar, ndërkohë që si problem kryesor përmendi inflacionin e lartë të shkaktuar nga konflikti në Ukrainë.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.