“IA” mban shënime për ju gjatë mbledhjeve online – Google Meet vjen me funksionin e ri “Take notes for me”

Kristi Ceta / SCAN

 

Google Meet prezanton një veçori të re që funksionon me anë të inteligjencës artificiale, të quajtur “Take notes for me”.

Bëhet e ditur se kjo veçori automatikisht do të mbajë shënime gjatë takimeve tuaja, duke e bërë më të lehtë për ju që të përqendroheni në bisedë dhe të mos shqetësoheni për humbjen e detajeve të rëndësishme.

Si një veçori ekskluzive e Google Workspace, përpara se të jetë e disponueshme për të gjithë, Google po u jep administratorëve mundësinë për të kontrolluar nëse përdoruesit e tyre mund ta përdorin atë. Administratorët mund ta aktivizojnë ose çaktivizojnë funksionin për grupe të veçanta përdoruesish ose për të gjithë në të njëjtën kohë.

Siç raportohet, kjo veçori e re e marrjes së shënimeve është pjesë e paketës së mjeteve të IA të Google Gemini. Për momentin, është e disponueshme vetëm për klientët që kanë një licencë shtesë Gemini Enterprise, Gemini Education Premium ose AI Meetings dhe Messaging.

Funksioni “Take notes for me” përdor teknologjinë e avancuar të Google për të transkriptuar dhe përmbledhur takimet tuaja në kohë reale. Megjithatë ka edhe disa disavantazhe të mundshme. Disa njerëz mund të jenë të shqetësuar për privatësinë, pasi inteligjenca artificiale do të dëgjojë dhe transkriptojë gjithçka që thuhet në takim.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.