Inflacioni i Eurozonës arrin një tjetër rekord të ri në shtator!

Inflacioni në eurozonë arriti në shifra dyshifrore dhe një tjetër rekord të ri në shtator, sipas të dhënave paraprake, pasi pasojat negative të luftës së Rusisë në Ukrainë vazhdojnë të shkaktojnë një taksë të rëndë për ekonomitë europiane.

Eurostat, agjencia e statistikave të Bashkimit Europian, vlerëson se inflacioni në zonën e euros me 19 vende arriti në 10.0% në shtator, nga 9.1% në gusht.

Rritja e fundit e çmimeve u nxit nga energjia, kostoja e së cilës tani është 40.8% më e lartë se në të njëjtin muaj të vitit të kaluar, ndërsa çmimet për ushqimin, alkoolin dhe duhanin besohet se janë rritur me 11.8% nga viti në vit.

Vendet baltike mbeten vendet më të prekura me normat e inflacionit në 24.2%, 22.5% dhe 22.4% përkatësisht në Estoni, Lituani dhe Letoni.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.