Inflacioni në Britani kap nivelin më të lartë të 40 viteve pas rritjes masive të çmimeve!

Rritja e kostove të ushqimit dhe strehimit e ktheu inflacionin në Mbretërinë e Bashkuar në nivelin më të lartë të 40 viteve në shtator.

Norma vjetore e inflacionit u rrit në 10.1% në shtator, nga 9.9% në 12 muajt deri në gusht, tha të mërkurën Zyra për Statistikat Kombëtare (ONS). Kjo e kthen atë në nivelin më të lartë të fundit të korrikut.

Rritja e çmimeve të ushqimeve ishte kontribuuesi më i madh i vetëm në përshpejtimin e inflacionit, tha ONS.

Kthimi në inflacion dyshifror do të jetë shqetësues për Bankën e Anglisë, e cila mblidhet më 3 nëntor për të përcaktuar normat e interesit. Guvernatori Andrew Bailey ka thënë se mund të nevojitet një “përgjigje më e fortë” për të marrë një kontroll mbi rritjen e çmimeve.

Duke iu përgjigjur shifrave më të fundit të inflacionit, Ministri i Financave i Mbretërisë së Bashkuar, Jeremy Hunt tha se qeveria “do t’i japë përparësi ndihmës për më të cenuarit duke ofruar një stabilitet më të gjerë ekonomik dhe duke nxitur rritjen afatgjatë që do t’i ndihmojë të gjithë”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.