Inflacioni, qeveria rrit pagat nga 1 Korriku – 6% rritje për punonjësit e sektorit të shëndetësisë dhe arsimit parauniversitar

Qeveria shqiptare konkretizoi një masë të re në politikën për të luftuar rritjen e çmimeve, duke rritur pagat për disa kategroi të caktuara të shoqërisë. Politika e rritjes së pagave është një politikë që ndiqet zakonisht kur ka rritje inflacioni. Dhe në këtë rast, qeveria shqiptare ka bërë një rritje në nivelin 6 %, aq sa është vlerësuar inflacioni në muajt e fundit në Shqipëri. ‘Rritje 6% për punonjësit e arsimit parauniversitar përfshirë këtu dhe mësuesit ndihmës oficerët e sigurisë në shkolla dhe punonjësit psikosocial. Nga ky vendim do të përfitojnë 36700 mësues.’

E njëjta gjë do të ndodh edhe në sektorin e shëndetësisë. Ministrja Ogerta Manastirliu shtoi se një rritje shtesë mbi pagën do të ketë edhe për mjekët specializantë që do të punojnë në rrethe. ‘Nga 1 korriku rriten 6% pagat për mjekët dhe infermierët. Kemi vendosur edhe një shpërblim financiar në masën 15 mijë lekë në muaj për të gjithë ato mjekë që përfundojnë specializimin dhe ushtrojnë profesionin e tyre jashtë vendbanimit të tyre. Kjo hyn në fuqi menjëherë, nga ai i cili përfitojnë rreth 300 mjekë të cilët kanë përfunduar specializimin. Rritja e pagave do të vijojë dhe synojmë që pagat për profesionistët e mjekësisë të rriten deri në 40%. Fokusi do të jetë në përmirësimin e kushteve të punës.’

Kërkesa për rritjen e pagave ka qenë një kërkesë e vazhdueshme e ekspertëve të ekonomisë, si një masë për të përfituar.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.