Informaliteti “mbyt” taksitë, rrethet pushtojnë Tiranën – Shoqata fajëson pushtetin vendor: Jemi me humbje, paguajmë taksa më të larta

Dyndja e taksive të rretheve në Tiranë për fitime më të larta por dhe taksa më të ulëta, ka ngritur shqetësimin e taksistëve të kryeqytetit të cilët kërkojnë barazi.

Taksat primare dhe sekondare i ka diferencuar shoferët duke lejuar që në kryeqytet të paguajnë 5 herë më shtrenjtë sesa shoferët e rretheve. Sipas sekretarit të shoqatës së taksive të Shqipërisë, Xhevit Bara problemi nis nga pushteti vendor I cili nuk kontrollon informalitetin siç duhet.

Një tjetër problem janë edhe postet e parkimit pasi bashkitë nuk ofrojnë aq vende sa është dhe nevoja, por në disa raste në rrethe sipas shoqatës, e japin këtë shërbim për ata që kanë mik.

Ndërkohë Tirana ofron vetëm 600 poste parkimi ku transportojnë pasagjerë rreth 1600 shofer taksie. Në të gjithë vendin ushtrojnë aktivitetin e tyre rreth 2500 taksi të licensuara ndërkohë në zëra jo zyrtar thuhet se në informalitet punojnë rreth 5 mijë shofera.

Marinela Lina/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.