Institucionet publike “frikë” nga transparenca – Dervishi: Janë në monitorim, jo të gjitha e zbatojnë ligjin për informim

Pavarësisht se prej 8 vitesh institucionet publike kanë si detyrim që të kenë në faqet e tyre zyrtare të interentit të pasyruara programet e transparencës, të cilat ofrojnë infomacion të pakëkruar për qytetarët, ende ka shumë problematika në zbatimin e ligjit.

Në ditën ndërkombëtare të së Drejtës për Informim, komisioneri Besnik Dervishi bën me dije se monitorimi është vazhdueshëm për të siguruar që çdo institucion publik të jetë transparent me publikun, pavarësisht se sipas tij, mungesa e transparencës jo gjithnjë lidhet me elementë të korrupsionit.

Lidhur me rastet kur qytetarët bëjnë kërkesë për infomacion dhe nuk marrin përgjigje, Dervishi thekson se kjo ndodh për shkak se stafi i administratës nuk arrin të bëjë diferencën midis detyrimit për të dhënë infomacion dhe “frikës” nëse infomacioni i kërkuar është konfidencial apo jo.

28 Shtatori përkon me ditën Kombëtare të së Drejtës për Infomim dhe për këtë arsye, Komisoneri ka zhvilluar një takim me nxënës të 5 gjimnazeve kryesore të Tiranë për t’i informuar lidhur me të dejtat e tyre për të kërkuar informacion ndaj institucioneve shtetërore. Sipas ligjit, çdo ent publik ka si detyrim që të kthejë përgjigje brenda 10 ditësh nga depozitimi i kërkesës, pasi në të kundërt është në shkelje të tij.

Elisabeta Dosku / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.