Intesa Sanpaolo Bank Albania paraqet fituesit e edicionit të parë “Intesa Sanpaolo Bank Albania Awards”

Intesa Sanpaolo Bank Albania, pjesë e Grupit Intesa Sanpaolo ka kënaqësinë të paraqesë fituesit e Intesa Sanpaolo Bank Albania Awards:

Çmimi ESG – AD Pascucci Shpk, Segmenti i Ndërmarrjeve të Vogla dhe të Mesme (SME)

Çmimi i Inovacionit – “Së bashku me Jetën” – KA Trading, Segmenti i Ndërmarrjeve të Vogla dhe të Mesme (SME)

Çmimi i Turizmit – “Elite Bay Hotel” – E & F Construction, Segmenti i Ndërmarrjeve të Vogla dhe të Mesme (SME)

Çmimi i Agro-Biznesit – Argent Daci PF Segmenti i Bizneseve të Vogla (SB)

Çmimi “Gratë në Biznes” – “Blerina Diet” – Blerina Troci PF, Segmenti i Bizneseve të Vogla (SB)

Çmimi “Rezultatet më të mira Financiare”:  JON & AR Shpk,

Segmenti i Bizneseve të Vogla (SB)  Grimmer Shpk, Segmenti i Ndërmarrjeve të Vogla dhe të Mesme (SME)

Të pranishëm në ceremoninë e ndarjes së çmimeve ishin të gjitha kompanitë e nominuara, përfaqësues të Grupit Intesa Sanpaolo, anëtarë të jurisë, përfaqësues të Ambasadës Italiane dhe drejtues të lartë të Intesa Sanpaolo Bank Albania.

Secila kompani u prezantua në sferën e aktiviteteve të biznesit dhe avantazheve konkurruese që e dallojnë subjektin në treg. Një vëmendje e madhe iu kushtua nismave të tyre për të sjellë risi dhe për të krijuar shembuj të sipërmarrjeve të suksesshme krahas ndryshimeve të vazhdueshme të kontekstit të biznesit.

Fituesit u përzgjodhën nga një juri e veçantë e përbërë nga ekspertë të Intesa Sanpaolo Bank Albania dhe ekspertë të jashtëm. Kryetarët e jurive (të renditur më poshtë) prezantuan motivimet e secilës kategori çmimesh si dhe fituesit e tyre.

Kreu i Jurisë së Çmimit të ESG – Znj. Alice Grittini, Menaxhere e Qëndrueshmërisë dhe Drejtuese e skuadrës ESG të Divizionit Ndërkombëtar të Bankave Filiale, grupi Intesa Sanpaolo

Kreu i Jurisë së Çmimit të Inovacionit – Z. Kushtrim Shala, Konsulent Inovacioni dhe Teknologjie

Kreu i Jurisë së Çmimit të Turizmit – Znj. Anjeza Hobdari, Associate Director/ Bankiere Senior në BERZH

Kreu i Jurisë së Çmimit të Agro-Biznesit – Z. Fatbardh Sallaku, Rektor i Fakultetit Bujqësor të Tiranës

Kreu i Jurisë së Çmimit të Grave në Biznes- Znj. Anjeza Hobdari, Associate Director/ Senior Banker EBRD

Kreu i Jurisë së Çmimit të Rezultateve më të mira financiare – Z. Martin Serreqi, Zv. Dekan i Fakultetit Ekonomik, Universiteti i Tiranës

Ceremonia e ndarjes së çmimeve u fokusua tek rëndësia e kompanive të nominuara në zhvillimin e ekonomisë vendase dhe shërbeu si një platformë promovuese e faktorëve shumëdimensional të suksesit të bizneseve fituese.

Alessandro D’ Oria, Drejtor i Përgjithshëm Ekzekutiv i Intesa Sanpaolo Bank Albania deklaroi: “Kjo nismë synoi të vlerësonte përpjekjet e të gjitha kompanive të nominuara në rrugëtimin e tyre e cila kontibuon në rritjen dhe zhvillimin e ekonomisë vendase. Në vitin e 15-të të prezencës së suksesshme në vend, Intesa Sanpaolo Bank Albania Awards na afroi më pranë me bizneset e vogla dhe sipërmarrjet e vogla dhe të mesme, duke i lejuar Bankës të mbështesë më tej rritjen e tyre të suksesshme në industrinë e tyre përkatëse duke u fokusuar në inovacion dhe qëndrueshmëri. Jemi shumë të privilegjuar që ata kanë zgjedhur Bankën tonë si partnerin e tyre financiar të biznesit. Falenderoj të gjithë anëtarët e jurisë dhe të gjitha kompanitë e nominuara për pjesëmarrjen e tyre në këtë event të parë dhe uroj ti shoh në listën e fituesve vitin e ardhshëm.”

 

Rreth Intesa Sanpaolo Bank Albania:

Intesa Sanpaolo Bank Albania, pjesë e Grupit Intesa Sanpaolo, është një bankë udhëheqëse në vend që ofron shërbime bankare cilësore, zgjidhje financiare, produkte dhe shërbime inovative për klientët e korporatave, klientët institucionalë dhe klientë me të ardhura të larta, bizneset e vogla dhe të mesme dhe klientët individualë. Ne inkurajojmë një stil të rritjes, i cili është i vëmendshëm ndaj rezultateve të qëndrueshme dhe krijimit të një procesi të bazuar në besimin që rrjedh nga kënaqësia e klientit dhe aksionarëve, një ndjenjë e përkatësisë nga ana e punonjësve tanë dhe monitorimi i ngushtë i nevojave të komuniteteve lokale. Ne konkurrojmë në treg me një ndjenjë të lojës së drejtë dhe jemi të gatshëm për të bashkëpunuar me subjektet e tjera ekonomike, publike dhe private, sa herë që është e nevojshme të forcojmë kapacitetin e përgjithshëm për rritje në ekonomitë e vendeve ku veprojmë. Intesa Sanpaolo Bank Albania bleu Veneto Bank në 2017 dhe tani ka një rrjet prej 35 degësh në qytete të ndryshme të vendit dhe do të vazhdojë të zgjerohet strategjikisht duke ndjekur nga afër zhvillimin ekonomik të Shqipërisë. Besimi, inovacioni, thjeshtësia dhe qëndrueshmëria përcaktojnë marrëdhëniet tona me klientët tanë dhe inovacioni i biznesit dhe përsosmëria e shërbimit frymëzohen nga klientët tanë.

Për më shumë informacion:

[email protected];

www.intesasanpaolobank.al

Rreth Intesa Sanpaolo: Intesa Sanpaolo është grupi bankar kryesor i Italisë – në shërbim të familjeve, bizneseve dhe ekonomisë vendase – me një prani të konsiderueshme ndërkombëtare. Modeli dallues i biznesit i Intesa Sanpaolo e bën atë një lider evropian në Menaxhimin e Pasurisë, Mbrojtjen dhe Këshillimin Financiar, me një fokus të veçantë në zhvillimin dixhital dhe fintech. Një bankë efikase dhe elastike, ajo përfiton nga bizneset në pronësi të plotë për zhvillimin e produkteve, menaxhimin e aseteve dhe sigurimin. Angazhimi i vazhdueshëm i Grupit ndaj parimeve të SMC përfshin dhënien e 115 miliardë eurove në kredi për projekte me ndikim social dhe mjedisor deri në vitin 2025 për komunitetet dhe ekonominë rrethore, dhe 500 milionë euro në kontribute për të mbështetur njerëzit më në nevojë, duke e pozicionuar Intesa Sanpaolo si një lider botëror. për sa i përket ndikimit social. Intesa Sanpaolo është e angazhuar të arrijë Neto Zero deri në vitin 2030 për emetimet e veta dhe deri në vitin 2050 për portofolet e saj të huave dhe investimeve. Një mbështetës i përkushtuar i kulturës italiane, Grupi Intesa Sanpaolo ka krijuar rrjetin e tij të muzeve, Galleri d’Italia, për të prezantuar trashëgiminë artistike të bankës, por edhe si një hapësirë për zhvillimin e projekteve prestigjioze kulturore.

Lajme: group.intesasanpaolo.com/en/newsroom/news

Twitter: @intesasanpaolo

LinkedIn: linkedin.com/company/intesa-sanpaolo

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.