Investitorët shesin aksionet e sektorit bankar – Silicon Valley Bank njofton rritje të kapitalit, aksionet bien me 60%

Bursat europiane po qëndrojnë në rënie edhe në sesionin e sotëm, pasi tregu është përfshirë nga një shitje masive e aksioneve të sektorit bankar. Indeksi pan-Europian Stoxx 600 e ka nisur javën në rënie me rreth 1.4%, ndërsa shumica e sektorëve janë në ngjyrë të kuqe. Bankat janë në rënie me rreth 4%, ndërsa më pas vjen sektori bankar, në rënie me rreth 2.7%.

Rënia e sektorit bankar vjen pas njoftimit të Silicon Valley Bank për rritjen e kapitalit, që çoi në një rënie drastike të aksioneve me rreth 60%. Gjithashtu, investitorët po përllogarisin efektet që do të ketë rritja e normave të interesit në Shtetet e bashkuara dhe në Europë.

Edhe shumica e tregjeve amerikane dhe atyre aziatike janë mbyllur në rënie, ndërsa investitorët po presin të dhënat mbi punësimin në SHBA për shkurtin, që do të publikohen më vonë gjatë ditës së sotme. Analistët parashikojnë se ekonomia amerikane do të ketë krijuar edhe 205 mijë vende të reja pune, ndërsa norma totale e papunësisë pritet të mbetet e pandryshuar në 3.4%, niveli më i ulët që nga viti 1969.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.