Italia, 14 miliardë euro për krizën energjetike – Kryeministri Draghi: Qeveria ka dhënë mbi 50 miliardë euro ndihmë në total
Një dispozitë e re mbështetëse, e treta, sic shpjegoi kryeministri Mario Draghi në konferencë për shtyp në fund të takimit të këshillit të ministrave që i dha dritën jeshile dekretit të ndihmës financiare.
Kjo ndihmë do të shpërndahet në tre drejtime: Ndihma për familjet dhe bizneset për të përballuar krizën energjitike, si dhe në përgjithësi koston e lartë të jetesës; ndërhyrje për përshpejtimin e reformave strukturore të planit kombëtar për rimëkëmbjen dhe qëndrueshmërinë. Si dhe për zbatimin e diversifikimit të energjisë për shkëputjen nga gazi rus dhe drejtimin tek burimet e rinovueshme. Masa parashikon gjithashtu dhe një bonus prej 150 euro për ata që kanë të ardhura vjetore deri në 20 mijë euro, bëhet fjalë për 22 milion italianë, dhe uljen e akcizës për karburantet deri në 31 tetor.
Tema kryesore e asaj që mund të ishte konferenca e fundit për shtyp e Draghit në postin e kryeministrit ishte inflacioni dhe në vecanti zgjidhjet që dispozita e re jep për të mbrojtur familjet dhe sipërmarrjet, pa krijuar një deficit të mëtejshëm. Dragi theksoi se aktualisht janë 14 miliard euro ndihma të reja, të cilave do i shtohen 17 miliard të dekretit të dytë duke arritur në një shumë prej 31 miliard eurosh. Ai shtoi se kjo shumë duket se i përgjigjet kërkesës për një ndihmë totale prej 30 miliard eurosh.
Ndihmat, sipas kreut të qeverisë, duke llogaritur dhe muajt e fundit arrijnë në shumën e 50 miliard eurosh. Draghi sqaroi se në përgjithësi flitet për një shifër të barabartë me 3.5% të PBB-së, që e vendos Italinë ndër vendet që kanë shpenzuar më shumë në Europë.
Për sa i përket situatës ekonomie në vend, aktualisht, Draghi shpjegoi se pritshmëritë ishin për një rritje prej 3%, por sipas tij rritja është 3.4 ose 3.5%. një vit më parë vendi regjistronte një rritje prej 6.5% ndërsa për vitin e ardhshëm Draghi parashikon një gjysëm recesioni pasi dukshëm ekonomia italiane po përjeton një ngadalësim, por ende nuk ka shenja të një recesioni.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.