Italia dhe Gjermania në varësi të Huawei – Kompania kineze dominon telefoninë 5G në këto dy vende

Janë tetë vendet europiane që vazhdojnë t’i besojnë më shumë se gjysmën e infrastrukturave të tyre tw teknologjisw 5G kompanisw kineze Huawei. Më e varur nga Kina është Gjermania, dhe më pas vjen Italia me një nivel dominimi që kalon 50%-shin. Lajmi është publikuar nga Politico që rikthen vëmendjen në një cështje të harruar.

Dy qeveri amerikane – fillimisht administrata Trump dhe më pas ajo aktuale e Joe Biden – ndërmorën një ofensivë diplomatike për të paralajmëruar të gjithë aleatët: blerja nga Huauei e infrastrukturave të 5G nënkupton vendosjen në objektiv të spiunazhit kinez.

5G është teknologjia që do të bëjë të mundur një revolucion të ri dixhital, një përmirësim shpejtësie në të gjitha komunikimet, hapjen e mundësive të padëgjuara më parë për internetin dhe komunikimin ultra të shpejtë mes aparaturave të inteligjencës artificiale.

Si shumë revolucione teknologjike dhe 5G ka karakteristika të dyfishta; që do të thotë pushtimi i një territori ku ekonomia civile, siguria kombëtare, mbrojtja dhe dimensioni ushtarak janë të pambrojtura nga spiunazhi. Pushtimi i telekomunikacioneve të Europës nga ana e një kolosi publik kinez që ka marrëdhënie të forta me forcat e armatosura të Pekinit, sipas amerikanëve është një rerzik që udhet shmangur.

Fushata e Uashingtonit kunder Huawei u duk se pati sukses pasi disa qeveri, duke filluar nga ajo britanike, anuluan kontratat e kompanisë shtetërore kineze, ndërsa të tjerët u zotuan se do të kufizonin praninë e saj në territoret e tyre. Më pas Shtetet e Bashkuara të Amerikës vendosën embargon për furnizimet e gjysëm përcjellësve të prodhuar në territorin ameirkan.

Politico ka publikuar dy studime të kohëve të fundit, një i përgatitur në Danimarkë dhe një në Kaliforni. Përfundimi i këtyre studimeve është se Huawei dhe pse ka humbur kuotë në tregjet e shumë vendeve europiane që e kanë zëvendësuar me Ericsson dhe Nokia për 5G-në, mbetet furnizuesi kryesor në vende të tjera.

Në mesataren europiane, kinezët aktualisht furnizojnë me 22% të aparaturave 5G kundrejt 42% të suedezes Ericsson dhe 32% të finlandezes Nokia. Por në Itali dominon Huawei me 51% ndërsa në Gjermani arrin në 59%. Dhe Holanda dhe Austria janë ndër vendet ku Huawei zë më shumë se 50% të tregut.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.