Japonia, ndihmë qytetarëve për rritjen e çmimeve – 350 dollarë në kuadrin e mbështetjes financiare për familjet me të ardhura të ulëta
Qeveria e Japonisë ka publikuar masat për të zbutur impaktin e rritjes së cmimeve të ushqimeve dhe energjisë në ekonominë e familjeve me të ardhura të ulëta, bizneset dhe fermerët.
Vendimi u mor për t’i ardhur në ndihmë qytetarëve të cilët po përballen me rritjen e kostos së jetesës por dhe për të mbrojutr kompanitë dhe konsumatorët. Në deklaratën e saj për mediat theksohej se mbrojtja e jetës së qytetarëve dhe aktivitetit të bizneseve është prioriteti kryesor i kësaj qeverie.
Si pjesë e planit qeveria do të japë 350 dollarë në kuadrin e mbështetjes financiare për familjet me të ardhura të ulëta, si dhe do i përjashtojë ata nga disa taksa në mënyrë që të kenë mundësi të paguajnë cmimet e larta të energjisë elektrike, gazit dhe ushqimit.
Hapat e tjerë përfshijnë zgjatjenë në kohë të subvencioneve ekzistuese për të mbajtur të fiksuar çmimin e ushqimit të kafshëve për blegtorinë dhe pas muajit tetor, si dhe ofrimin e mbështetjes për fermerët që bënë përpjekje për të reduktuar përdorimin e plehrave kimikë.
Qeveria do të ndalojë gjithashtu rritjen e çmimit të grurit të importuar që u shet shitësve me pakicë përtej tetorit, duke e bërë më të lehtë për familjet të përballen me kostot më të larta të mallrave duke ulur presionin mbi çmimin e bukës.
Në sektorin e energjisë, qeveria do të zgjasë subvencionet aktuale për benzinën dhe lëndët djegëse të tjera deri në fund të dhjetorit, megjithëse mund të konsiderojë rishikimin e skemës së kufirit të subvencionimit.
Gjithashtu synohet aktivizimi i nëntë termocentraleve bërthamore gjatë dimrit për të siguruar një furnizim të qëndrueshëm me energji elektrike.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.