Jo më ar nga Rusia – Britania i bashkohet SHBA-së, Kanadasë dhe Japonisë në ndalimin e importeve!

Britania e Madhe, SHBA, Kanadaja dhe Japonia do të ndalojnë importet e arit rus në një përpjekje për të goditur aftësinë e Moskës për të financuar luftën në Ukrainë. Kryeministri i Mbretërisë së Bashkuar tha se masa do të “godasë në zemër të makinës luftarake të Putin”.

Eksportet e arit ishin me vlerë 12.6 miliardë paund (15.4 miliardë dollarë) drejt Rusisë në vitin 2021, dhe Britania e Madhe thotë se rëndësia e tyre është rritur që nga pushtimi pasi oligarkët nxitojnë të blejnë shufra ari ose argjendi për të shmangur sanksionet.

Kjo vjen pasi grupi G7 i kombeve më të pasura në botë u takua në Gjermani. Presidenti i SHBA Biden sugjeroi që vendet e tjera të G7 – Gjermania, Franca dhe Italia do t’i bashkohen gjithashtu ndalimit. Me Londrën një qendër kryesore tregtare globale për arin, qeveria e Mbretërisë së Bashkuar tha se masa do të kishte një ndikim të madh në aftësinë e Presidentit Putin për të mbledhur fonde.

Që kur Rusia pushtoi Ukrainën në shkurt, vendet perëndimore kanë vendosur një sërë sanksionesh që synojnë individë të pasur, banka, biznese dhe ndërmarrje shtetërore. SHBA, Bashkimi Europian, Britania e Madhe dhe vende të tjera kanë sanksionuar më shumë se 1000 individë dhe biznese ruse deri më tani.

Masa e fundit do të thotë se kufizimet e importit në Mbretërinë e Bashkuar do të zbatohen për eksportet ruse me vlerë rreth 13.5 miliardë paund. Mbretëria e Bashkuar tha se ndalimi i importit të arit do të hyjë në fuqi së shpejti, me legjislacionin e prezantuar në Parlament në javët e ardhshme.

Ai do të zbatohet për arin e sapo nxjerrë ose të rafinuar dhe nuk ndikon në arin e eksportuar më parë nga Rusia. Nuk ka plane për të shtrirë kufizimet ndaj arit rus të blerë në mënyrë legjitime përpara se të vendosej ndalimi i importit. BBC

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.