Kërkimet për rrjetin në 6G – Ericsson investon miliarda paund në Britaninë e Madhe

Prodhuesi i pajisjeve të rrjetit Ericsson do të investojë miliona paund për kërkimet për rrjetin 6G në Britaninë e Madhe, duke punuar me universitetet për sa i përket sigurisë së hardëare-ve, inteligjencën artificiale, rrjetet njoihëse dhe llogaritjet kuantike.

Kompania suedeze, e cila furnizon pajisje 5G për të katër rrjetet celulare britanike, tha se iniciativa 10-vjeçare do të ndihmojë në zhvillimin e rrjeteve të gjeneratës së ardhshme 6G, të cilat pritet të jenë të disponueshme në treg rreth vitit 2030.

Drejtoresha ekzekutive e Ericsson në Mbretërinë e Bashkuar dhe Irlandë, Katherine Ainley, tha se universitetet britanike po kryejnë kërkime botërore në disa nga teknologjitë që do të mbështesin rrjetet e gjeneratës së ardhshme. Gjithashtu do të krijohet një ekip prej 20 studiuesish me përvojë në Mbretërinë e Bashkuar dhe studentët do të sponsorizohen. Grupi i ri do të plotësojë 17 qendra ekzistuese kërkimi të Ericsson në 12 vende.

Universitetet e mundshme partnere përfshijnë Surrey, Bristol dhe Manchester. Zakonisht duhen 8-10 vjet nga angazhimi me studiuesit deri në zhvillimin e teknologjisë komerciale.

Qeveria britanike, e cila ka punuar për të mbrojtur fondet për kërkimin shkencor pas Brexit, tha se investimi i Ericsson ishte një “votë e madhe besimi” në sektorin e telekomunikacionit të vendit, duke shtuar se së shpejti do të publikojë një strategji për teknologjinë 6G.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.