Këshilla e ekspertit: Ndërroni fjalëkalimet në E-albania – Haxhiymeri: Janë ekspozuar shumë të dhëna nga sulmet, bizneset të investojnë në siguri
Ndërsa askush nuk di të thotë me siguri çfarë të dhënash u janë vjedhur bizneseve apo qytetarëve shqiptarë përmes sulmeve kibernetike nga Irani, eksperti i IT, Rubin Haxhiymeri thotë se çdokush duhet të marrë masa për të siguruar një mbrojtje minimale, siç është blerja e softwareve mbrojtës.
Ai këshillon qytetarët e bizneset të ndërrojnë fjalëkalimet në e-albania, duke qenë se është edhe sistemi më i ekspozuar ndaj sulmeve, ndërkohë që të dhënat e depozituara në të përdoren edhe në data-base të tjera qeveritare.
Haxhiymeri thote se një pjesë e mirë e bizneseve të mëdha kanë investuar prej kohësh në sisteme sigurie, në një kohë që shumë më të ekspozuar ndaj krimeve kibernetike mbeten bizneset e vogla e qytetarët.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.