Kina konkurron Airbus dhe Boeing – Të dielën fluturon avioni i saj i parë tregtar

China Eastern Airlines, klienti i parë i avionit vendas kinez C919, do të nisë fluturimin e parë tregtar këtë të dielë.

Aeroplani C919 do të ngrihet në orën 10:45 me orën e Pekinit nga Aeroporti Ndërkombëtar i Shangait dhe do të ulet në kryeqytetin e Pekinit në orën 13:10.

Fluturimi tregtar i C919 shënon një moment historik në shpresat e Kinës që avioni do të thyejë dominimin afatgjatë të Airbus dhe Boeing në industrinë globale të aviacionit.

Avioni u prodhua nga Commercial Aviation i Kinës si konkurrent i “familjeve” të avionëve Airbus A320neo dhe Boeing 737 MAX dhe tashmë ka kryer shumë fluturime pa pasagjerë.

Linja ajrore nënshkroi një kontratë për të ndërtuar pesë C919 në mars 2021, mori modelin e saj të parë, të caktuar B-919A, në dhjetor dhe filloi 100 orë fluturime provë. Agjencia shtetërore e lajmeve kineze Xinhua njoftoi vitin e kaluar se C919 do të bënte fluturimin e parë komercial në pranverë.

Avioni me 164 vende vjen me një plan të kabinës me dy klasa, i përbërë nga ndenjëse biznesi dhe ekonomie. Edhe pse është montuar në Kinë, ai mbështetet shumë në komponentët perëndimorë, duke përfshirë motorët dhe pjesë të tjera.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.