Kina sjell makinën elektrike ultra-futuriste HiPhi Z (FOTOT)
Lajmet më të fundit vijnë nga Kina: një tjetër prodhues relativisht i ri i automjeteve po zbulon një makinë elektrike ultrafuturiste me dizajn dhe teknologji unike. Startup Human Horizons ka ndarë informacione rreth sedanit të tij të ardhshëm HiPhi Z.
Human Horizons Technology, e njohur më mirë si Human Horizons, është një start-up kinez me bazë në Shangai që zhvillon teknologji autonome të drejtimit dhe prodhon automjete elektrike të markës HiPhi.
Sipas krijuesve të tij, HiPhi Z do të pajiset me perden e parë në botë të dritës Star-Ring ISD të instaluar në një automjet elektrik pasagjerësh.
Perdja përbëhet nga 4066 LED që mund të ndërveprojnë me pasagjerët, shoferët dhe botën e jashtme, duke përfshirë shfaqjen e mesazheve.
Dyert janë të pajisura me një sistem interaktiv dhe teknologji me valë ultra të gjerë (UWB) që zbulon njerëzit, çelësat dhe automjetet e tjera.
Kjo lejon HiPhi Z të hapë automatikisht dyert në rast emergjence, duke marrë parasysh shpejtësinë dhe lëvizjen e automjetit elektrik.
Human Horizons thotë se ka projektuar brendësinë e sedanit që t’i ngjajë një “anije kozmike ultrafuturiste”, duke ofruar një asistent dixhital në formën e sistemit të inteligjencës artificiale HiPhi Bot, i cili ndërvepron me shoferin nëpërmjet një ekrani me prekje të vendosur në pjesën e përparme të automjeti elektrik.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.