Kompania gjobit punonjësit që bezdisin kolegët – Asnjë telefonatë, mesazh apo e-mail pune gjatë pushimit

Marrja e emaileve urgjente për punën nga kolegët edhe gjatë pushimeve, është një dukuri e zakonshme për ata që punojnë në zyra. Kjo veçanërisht në Indi, ku punonjësit ndihen të mbingarkuar dhe të paguar më pak në krahasim me kolegët e tyre në pjesën tjetër të botës.

Por një firmë me bazë në Mumbai ka gjetur një mënyrë të re për të rregulluar këtë problem.

Dream11, një platformë lojërash fantazie, do t’i gjobisë punonjësit e saj me 100 mijë rupi – 1.200 dollarë nëse ata kontaktojnë kolegët me telefonata ose mesazhe që lidhen me punën, gjatë pushimit të tyre. Kjo është pjesë e përpjekjeve të kompanisë për të siguruar që punonjësit e saj të shkëputen dhe të shijojnë një ekuilibër të shëndetshëm punë – jetë, sipas një deklarate të Dream11 për CNN.

Sipas politikës, të quajtur ‘Unplug’, punonjësit largohen nga të gjitha punët në zyrë për shtatë ditë në vit. Personat që kanë zgjedhur një pushim të shkëputur, janë lënë jashtë e – maileve dhe grupeve të ËhatsApp. Sipas një interviste në dhjetor me CNBC, bashkëthemeluesit e kompanisë thanë se politika ka qenë efektive deri më tani.

E themeluar në vitin 2008, Dream11 ka më shumë se 1 mijë punonjës, vlerësohet në 8 miliardë dollarë dhe përfshin Tiger Global dhe Tencent midis investitorëve të saj.

Mungesa e kohës së pushimit mund të jetë i rrezikshëm për shëndetin. Sipas Organizatës Botërore të Shëndetësisë, puna me orar të zgjatur po vret qindra mijëra njerëz në vit nga goditjet në tru dhe atakut kardiak.

Në një analizë globale për lidhjen midis humbjes së jetës, shëndetit dhe punës së zgjatur, OBSH dhe Organizata Ndërkombëtare e Punës vlerësuan se në vitin 2016, rreth 745 mijë njerëz humbën jetën si rezultat i punës të paktën 55 orë në javë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.