Kontrabandonin botox të paligjshëm – Policia, kontrolle në 30 klinika estetike. Në pranga 3 administratorë

Ernilda Luzi/Scan

 

Policia e Shtetit ka zhvilluar kontrolle në 30 qendra estetike në Tiranë, për goditjen e rasteve të kontrabandimit dhe tregtimit të kundërligjshëm të botoksit mjekësor nga klinikat estetike.

Sipas njoftimit zyrtar, u vunë në pranga administratori i subjektit që kontrabandonte dhe magazinonte produktin e kundërligjshëm, si dhe furnizonte me të klinikat, në pranga dhe administratoret e 2 klinikave.

Gjithashtu po procedohen penalisht administratoret e 5 klinikave, si dhe po punohet për kapjen dhe nxjerrjen përpara përgjegjësisë penale, të 3 administratorëve.

Nga kontrollet dhe verifikimet në këto subjekte rezultoi se administratorët e tyre nuk deklaronin në organet tatimore, të ardhurat që përfitonin nga injektimi i produktit “Botulinum toxin” te pacientët, pasi produkti dyshohet se është i kundërligjshëm dhe i kontrabanduar.

Si rezultat i veprimeve policore dhe hetimore, të kryera në kuadër të një procedimi penal, të iniciuar për veprat “Kontrabanda me mallra të licencuara finalizoi operacionin policor të koduar “Botulinum toxin”.

Policia e Shtetti bën me dije se në vijim të veprimeve procedurale në kuadër të këtij operacioni, nisi procedimi në gjendje të lirë për shtetaset dhe njëkohësisht u shpallën në kërkim të gjithë adminstratorët e klinikave estetike ku injektohej ky produkt.

Materialet procedurale shtesë i kaluan Prokurorisë së Tiranës, për hetime të mëtejshme.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.